បន្ទាយមានជ័យ៖ នៅព្រឹកថ្ងៃទី២៤ ខែសីហា ឆ្នាំ២០២៦ លោកស្រី មុំ ពុទ្ធីតា អភិបាលរងខេត្ត តំណាង ឯកឧត្តម អ៊ុំ រាត្រី អភិបាល នៃគណៈអភិបាលខេត្ត អញ្ជើញជាអធិបតីភាព ក្នុងវគ្គបណ្តុះបណ្តាលស្តីពី «ការផ្សព្វផ្សាយអប់រំសុខភាព» ធ្វើនៅសាលប្រជុំក្រុមប្រឹក្សាខេត្ត ព្រមទាំងមានកិច្ចសហការ និងការសម្របសម្រួលបច្ចេកទេសពីក្រុមហ៊ុន អេសអេស ហ្វាម ។ ដោយមានការចូលរួមពី លោក លោកស្រី មន្ត្រីរាជការនៃរដ្ឋបាលខេត្ត និងមន្ទីរអង្គភាពពាក់ព័ន្ធ ។

បន្ទាយមានជ័យ៖ សាខាបេឡាជាតិសន្តិសុខសង្គម (ប.ស.ស) នៃក្រសួងការងារ និងបណ្តុះបណ្តាលវិជ្ជាជីវៈ បានរៀបចំសិក្ខាសាលាផ្សព្វផ្សាយស្តីពី «ការអនុវត្តរបបសន្តិសុខសង្គមផ្នែកហានិភ័យការងារ និងផ្នែកថែទាំសុខភាព សម្រាប់បុគ្គលដែលស្ថិតនៅក្នុងវិស័យសាធារណៈ» ដើម្បីពង្រឹងការយល់ដឹង និងជំរុញការអនុវត្តកិច្ចគាំពារសង្គមឱ្យកាន់តែមានប្រសិទ្ធភាព និងគ្របដណ្តប់ទូលំទូលាយ។ ពិធីនេះបានប្រព្រឹត្តទៅនៅព្រឹកថ្ងៃចន្ទ ទី២៤ ខែសីហា ឆ្នាំ២០២៦ នៅសាលប្រជុំ (ធំ) សាខា ប.ស.សខេត្ត ក្រោមអធិបតីភាពឯកឧត្ដម ប្លែក វ៉ារី ប្រធានក្រុមប្រឹក្សាខេត្ត លោក លី សុវណ្ណរិទ្ធិ អភិបាលរងខេត្ត តំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្ត និងឯកឧត្តមបណ្ឌិត ហេង សុផាន់ណារិទ្ធ អគ្គនាយករង ប.ស.ស. នៃក្រសួងការងារ និងបណ្តុះបណ្តាលវិជ្ជាជីវៈ ។ ពិធីនេះមានការអញ្ជើញចូលរួមពី លោក លោកស្រី មន្ទីរ អង្គភាពជុំវិញខេត្ត កងកម្លាំងទាំងបីប្រភេទ ក្រុមប្រឹក្សា ស្រុក ក្រុង អភិបាលក្រុង ស្រុក ក្រុមប្រឹក្សាឃុំ សង្កាត់ និងឃុំ សង្កាត់ ប្រមាណជាង២០០នាក់ ។

បន្ទាយមានជ័យ៖ នៅរសៀលថ្ងៃសុក្រ ទី២១ ខែសីហា ឆ្នាំ២០២៦ មន្ទីរព័ត៌មានខេត្តបន្ទាយមានជ័យ បានរៀបចំកិច្ចប្រជុំបូកសរុបលទ្ធផលការងារប្រចាំខែសីហា និងលើកទិសដៅការងារអនុវត្តបន្ត ក្រោមអធិបតីភាព លោក សេក សុខុម ប្រធានមន្ទីរព័ត៌មានខេត្តបន្ទាយមានជ័យ ស្ថិតនៅសាលប្រជុំរបស់មន្ទីរព័ត៌មានខេត្ត។ ដោយមានការអញ្ជើញចូលរួមពីសំណាក់ លោក លោកស្រី ជាអនុប្រធានមន្ទីរទទួលបន្ទុក ប្រធាន អនុប្រធានការិយាល័យរដ្ឋបាល ការិយាល័យវិទ្យុ ការិយាល័យទូរទស្សន៍ ការិយាល័យទីភ្នាក់ងារសារព័ត៌មានកម្ពុជា (AKP) និងការិយាល័យព័ត៌មាន និងសោតទស្សន៍ ព្រមទាំងមន្ត្រីរាជការជំនាញ ។

រាជធានីភ្នំពេញ៖ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់សម្ដែងការគោរពស្ញប់ស្ញែង និងកោតសរសើរយ៉ាងក្រៃលែង ចំពោះវីរភាពរបស់វីរយុទ្ធជនកម្ពុជាគ្រប់រូប ដែលបានប្រយុទ្ធតស៊ូយ៉ាងខ្លាំងក្លា អង់អាចក្លាហាន នៅគ្រប់សមរភូមិ ដើម្បីការពារទឹកដី និងប្រជាជន។ ព្រះរាជបន្ទូលរបស់ព្រះមហារាជា ធ្វើឡើងក្នុងព្រះរាជពិធីសម្ពោធវិមានថ្មីរបស់ព្រឹទ្ធសភា នៅព្រឹកថ្ងៃទី២១ ខែសីហា ឆ្នាំ២០២៦នេះ។

បន្ទាយមានជ័យ៖ នាថ្ងៃទី១៨ ខែសីហា ឆ្នាំ២០២៦ ដោយទទួលបានការចង្អុលបង្ហាញ និងយកចិត្តទុកដាក់ដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា សាខាមូលនិធិជនពិការខេត្តបន្ទាយមានជ័យ បានសហការជាមួយមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត និងអាជ្ញាធរមូលដ្ឋាន នាំយកអំណោយស្បៀងអាហារ និងគ្រឿងឧបភោគ បរិភោគ ជូនជនមានពិការភាពក្រីក្រ ចំនួន ១៥នាក់ ដែលកំពុងរស់នៅក្នុងស្រុកថ្មពួក ខេត្តបន្ទាយមានជ័យ។

នៅថ្ងៃសុក្រ ទី២១ ខែសីហា ឆ្នាំ២០២៦ លោក យឹម សំណាង អភិបាលរងខេត្ត តំណាង ឯកឧត្តម អ៊ុំ រាត្រី អភិបាលនៃគណៈអភិបាលខេត្ត បានអញ្ជើញជាអធិបតីភាពក្នុងកម្មវិធីផ្សព្វផ្សាយអំពីគម្រោង និងផ្សព្វផ្សាយសមាសភាពគណៈកម្មាធិការបណ្តុះបណ្តាលខេត្តបន្ទាយមានជ័យ។