ពូជដំណាំស្វាយចន្ទី ចំនួន ២២០០០ដើម និងជីកសិកម្ម ចំនួន ៥តោនកន្លះ ចែកជូនប្រជាពលរដ្ឋ២១៧គ្រួសារ រស់នៅចំណុច អូរសែវ ឃុំស្តៅ ស្រុកសេសាន គម្រោង ផ.ក.អ

ប្រជាពលរដ្ឋ២១៧គ្រួសារ រស់នៅចំណុច អូរសែវ ឃុំស្តៅ ស្រុកសេសាន ខេត្តស្ទឹងត្រែង ជាគម្រោងនៃកម្មវិធីផ្តល់ដីការពារព្រៃ ដើម្បីរួមគ្នាអភិវឌ្ឍប្រកបដោយចីរភាព ទទួលបានពូជដំណាំស្វាយចន្ទី និងជីកសិកម្ម នៅព្រឹកថ្ងៃទី១៤ ខែកក្កដា ឆ្នាំ២០២៦។ ពិធីចែកពូជដំណាំចន្ទីរ និងជីកសិកម្ម នាពេលនោះ ក្រោមការអញ្ជើញជាអធិបតីភាព ឯកឧត្តម សរ សុវណ្ណ រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានលេខាធិការដ្ឋាន ផ.ក.អ. ឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង រួមនិងប្រតិភូអមដំណើរ។