មន្ទីរកិច្ចការនារីខេត្តប៉ៃលិន បើកវគ្គផ្សព្វផ្សាយ ស្តីពី «អាហាររូបត្ថម្ភ និងសុខភាពបន្តពូជ» ជូនដល់មន្ត្រីរាជការ

ខេត្តប៉ៃលិន៖ នាព្រឹកថ្ងៃអង្គារ ៥កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៨ ខែសីហា ឆ្នាំ២០២៦ មន្ទីរកិច្ចការនារី ខេត្តប៉ៃលិន បានរៀបចំពិធីបើកវគ្គផ្សព្វផ្សាយ ស្តីពី «អាហាររូបត្ថម្ភ និងសុខភាពបន្តពូជ» ដើម្បីពង្រឹងសមត្ថភាព និងចំណេះដឹងបន្ថែមដល់មន្ត្រីរាជការ ក្នុងគោលដៅលើកកម្ពស់សុខុមាលភាពគ្រួសារ និងសហគមន៍។ ពិធីនេះត្រូវបានប្រព្រឹត្តទៅក្រោមអធិបតីភាព លោកស្រី ចាន់ ថាវី ប្រធានមន្ទីរកិច្ចការនារី ខេត្តប៉ៃលិន ដោយមានការអញ្ជើញចូលរួមពីសំណាក់អនុប្រធានមន្ទីរ ប្រធាន-អនុប្រធានការិយាល័យ និងមន្ត្រីរាជការចំណុះឲ្យមន្ទីរកិច្ចការនារី សរុបចំនួន ៣១នាក់ (ក្នុងនោះមានស្ត្រីចំនួន ១៥នាក់) នៅសាលប្រជុំធំ នៃមន្ទីរកិច្ចការនារី ខេត្តប៉ៃលិន។