សាលាគណខេត្តប៉ៃលិន បើកកិច្ចប្រជុំបូកសរុបវឌ្ឍនភាពការងារប្រចាំខែសីហា ឆ្នាំ២០២៦ និងលើកទិសដៅអនុវត្តន៍ការងារ សម្រាប់ខែបន្ត
(ប៉ៃលិន)៖ រសៀលថ្ងៃទី២០ ខែសីហា ឆ្នាំ២០២៦ សាលាគណខេត្តប៉ៃលិន បានបើកកិច្ចប្រជុំបូកសរុបវឌ្ឍនភាពការងារប្រចាំខែសីហា ឆ្នាំ២០២៦ និងលើកទិសដៅអនុវត្តន៍ការងារ សម្រាប់ខែបន្ត ដែលបានប្រព្រឹត្តទៅក្រោមព្រះធិបតីភាព ព្រះសោភ័ណរតនវេទី អ៊ា សុផន ព្រះរាជាគណៈកិត្តិយស និងជាព្រះរតនមុនី មេគណខេត្តប៉ៃលិន ដោយមានការចូលរួមពីលោក គង់ សាវៀង អនុប្រធានមន្ទីរធម្មការ និងសាសនាខេត្តប៉ៃលិន ព្រះអនុគណក្រុង-ស្រុក ព្រះចៅអធិការគ្រប់វត្ត និងសមាជិកថ្នាក់ដឹកនាំសង្ឃក្នុងខេត្ត ជាច្រើន/អង្គនាក់ ។ គោលបំណង នៃកិច្ចប្រជុំនេះ គឺដើម្បីតាមដានលទ្ធផលការងារ លទ្ធផលនៃការរីកចម្រើន និងបញ្ហាប្រឈមនានាដែលសាលាគណខេត្តសម្រេចបានក្នុងខែសីហា ឆ្នាំ២០២៦ និងរៀបចំផែនការសកម្មភាព និងការងារអាទិភាព សម្រាប់អនុវត្តក្នុងខែកញ្ញា ដើម្បីធានាបាននូវប្រសិទ្ធភាពការងារសង្ឃ ព្រមទាំងបង្កើនភាពប្រម៉ូលផ្តុំ ក្នុងការដឹកនាំវិស័យព្រះពុទ្ធសាសនា ឱ្យមានរបៀបរៀបរយ និងឯកភាពគ្នាទូទាំងខេត្ត។
