វគ្គបណ្ដុះបណ្ដាលតម្រង់ទិសលេីការងារអត្តសញ្ញាណកម្ម និងលិខិតបទដ្ឋានគតិយុត្តិថ្មីៗ
(ខេត្តស្វាយរៀង) នៅថ្ងៃព្រហស្បតិ៍ ១១រោច ខែជេស្ឋ ឆ្នាំមមី អដ្ឋស័ក ពស២៥៧០ត្រូវនឹងថ្ងៃទី១១ ខែមិថុនា ឆ្នាំ២០២៦នេះ នាសាលប្រជុំអគារ ឃ សាលាខេត្តស្វាយរៀងបានរៀបចំវគ្គបណ្ដុះបណ្ដាលតម្រង់ទិសលេីការងារអត្តសញ្ញាណកម្ម និងលិខិតបទដ្ឋានគតិយុត្តិថ្មីៗ ព្រមទាំងអនុវត្តតាមដាន និងជំរុញការផ្តល់ឯកសារភូមិភាគ៦ ក្រោមអធិបតីភាពលោកស្រី យក់ សុីណាត អភិបាលរងខេត្ត តំណាងឯកឧត្តម ប៉េង ពោធិ៍សា អភិបាលខេត្ត និងលោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្មក្រសួងមហាផ្ទៃ ដែលមានរយៈពេល ២ ថ្ងៃ។
