(កំពង់ចាម)៖ ឯកឧត្តម អ៊ុន ចាន់ដា អភិបាលខេត្តកំពង់ចាម បានថ្លែងថា ប្រឡាយបេតុង ២ខ្សែ ប្រវែង ២គីឡូម៉ែត្រ ស្ថិតក្នុងប្រព័ន្ធធារាសាស្ត្រទឹកឆាកើត ក្នុងស្រុកព្រៃឈរ នឹងផ្គត់ផ្គង់ទឹកស្រោចស្រពដីកសិកម្មបានជិត ១.០០០ហិកតា។

កំពង់ចាម៖ នាព្រឹកថ្ងៃទី២៤ ខែសីហា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញដឹកនាំកិច្ចប្រជុំគណៈកម្មាធិការរៀបចំដែនដី និងនគរូបនីយកម្មខេត្ត នៅសាលប្រជុំសាលាខេត្ត ដើម្បីពិនិត្យ និងពិភាក្សាលើបទបង្ហាញស្តីពី ផែនការប្រើប្រាស់ដីទីក្រុង និងតំបន់ប្រជុំជន ក្នុងភូមិសាស្ត្រខេត្តកំពង់ចាម។

(កំពង់ចាម)៖ រដ្ឋបាលខេត្តកំពង់ចាម បានរៀបចំវេទិកាសាធារណៈជាមួយប្រជាពលរដ្ឋ ដែលកំពុងរស់នៅ និងអាស្រ័យផលលើដីចំណីអូរ ព្រែក និងទន្លេខ្ពប ដែលជាដីសាធារណៈរបស់រដ្ឋ សរុបចំនួន ២៣៦ក្បាលដី ស្មើនឹង ២៣៤គ្រួសារ ស្ថិតក្នុងភូមិចំនួន៣ នៃឃុំស្វាយសាច់ភ្នំ ស្រុកស្រីសន្ធរ។

ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ព្រមទាំងមន្ទីរជំនាញ នាព្រឹកថ្ងៃទី១៨ ខែសីហា ឆ្នាំ២០២៦ បានចុះពិនិត្យផ្ទាល់នូវ សំណង់ស្ទាក់ទឹកព្រែកតាយី ស្ថិតក្នុងឃុំពាមកោះស្នារ ស្រុកស្ទឹងត្រង់ ខេត្តកំពង់ចាម ដែលជាអំណោយ និងជាចំណងដៃដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្ថាបនារួចរាល់កាលពីឆ្នាំ២០២៥ ប្រគល់ជូនប្រជាពលរដ្ឋនៅក្នុងមូលដ្ឋាន។

ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ព្រមទាំងមន្ត្រីជំនាញ និងអាជ្ញាធរមូលដ្ឋាន នាព្រឹកថ្ងៃទី១៨ ខែសីហា ឆ្នាំ២០២៦ បានអញ្ជើញចុះពិនិត្យស្ថានភាពបាក់ស្រុតច្រាំងទន្លេ ស្ថិតក្នុងឃុំព្រះអណ្តូង ស្រុកស្ទឹងត្រង់ ខេត្តកំពង់ចាម ដើម្បីវាយតម្លៃផលប៉ះពាល់ និងដាក់ចេញវិធានការអន្តរាគមន៍ជាបន្ទាន់។

លោក វ៉ាត ណារុណ សេវាករទឹកស្អាត​នៅឃុំ​ទ្រាន ស្រុកកំពង់សៀម ខេត្តកំពង់ចាម អំពាវនាវ​ប្រជាពលរដ្ឋឃុំទ្រាន ចូលរួមប្រើប្រាស់ទឹកស្អាត ដើម្បីមានសុខភាពល្អ និងធានាបាន​អនាម័យ​ខ្ពស់!