លោកឧត្តមសេនីយ៍ត្រី ឆាយ សុភ័ក្ដ្រ ស្នងការរងផែនការងារធនធានមនុស្ស តំណាងលោកឧត្តមសេនីយ៍ទោ ស ថេង ស្នងការនគរបាលខេត្ត ជាអនុប្រធាននិងជាប្រធានលេខាធិការដ្ឋានសមាគមអតីតយុវជននិងនិវត្តជនកម្ពុជាខេត្ត បានដឹកនាំកម្លាំងចុះសួរសុខទុក្ខ និងសំណេះសំណាលជាមួយគ្រួសារអតីតយុវជនជាសម្ព័ន្ធមេត្រីភាពចំនួន៩គ្រួសារ ដែលកំពុងរស់នៅភូមិអភិវឌ្ឍន៍ប៊ុនរ៉ានីសែនជ័យដំណាក់ត្រយឹង ឃុំព្រងិល ស្រុកភ្នំក្រវាញ ខេត្តពោធិ៍សាត់។

លោក ម៉ាលីយ៉ា សុវត្ថិធី ប្រធានមន្ទីរទេសចរណ៍ខេត្តពោធិ៍សាត់ បានដឹកនាំមន្ត្រីរាជការ ចុះសួរសុខទុក្ខ និងនាំយកអំណោយជាគ្រឿងឧបភោគបរិភោគ និងថវិកា ចែកជូនគ្រួសារសម្ព័ន្ធមេត្រីភាពចំនួន ៨ គ្រួសារ នៅភូមិអភិវឌ្ឍន៍ ប៊ុន រ៉ានី ហ៊ុន សែន ដំណាក់ទ្រយឹង ឃុំព្រងិល ស្រុកភ្នំក្រវាញ។ សកម្មភាពនេះធ្វើឡើងដើម្បីពង្រឹងចំណងសាមគ្គីភាព និងជួយសម្រាលជីវភាពរស់នៅរបស់បងប្អូនប្រជាពលរដ្ឋ និងអតីតយុទ្ធជន។

អភិបាលស្រុកក្រគរ និងក្រុមការងារ បានចុះសួរសុខទុក្ខ និងនាំយកអំណោយឧបត្ថម្ភជូនគ្រួសារសម្ព័ន្ធមេត្រីភាពចំនួន ៨គ្រួសារ នៅភូមិប៊ុនរ៉ានី សែនជ័យដំណាក់ទ្រយឹង ដើម្បីជួយសម្រាលជីវភាពរស់នៅ។នាឱកាសនោះ លោកអភិបាលស្រុកបានផ្តាំផ្ញើសួរសុខទុក្ខ លើកទឹកចិត្តឱ្យខិតខំប្រកបរបរចិញ្ចឹមជីវិត រក្សាសុខភាព និងសហការថែរក្សាសន្តិសុខក្នុងមូលដ្ឋានផងដែរ។

ក្រុមការងារបច្ចេកទេសនៃមន្ទីរផែនការខេត្តពោធិ៍សាត់ បានចុះពិនិត្យការអនុវត្តនីតិវិធីកំណត់អត្តសញ្ញាណកម្មគ្រួសារក្រីក្រ និងគ្រួសារងាយរងហានីភ័យ ព្រមទាំងចុះសម្ភាសន៍គ្រួសារសំណាកគំរូដល់ខ្នងផ្ទះ ស្ថិតនៅក្នុងឃុំព្រងិល ស្រុកភ្នំក្រវាញ ខេត្តពោធិ៍សាត់។ការចុះពិនិត្យនេះធ្វើឡើងដើម្បី ផ្ទៀងផ្ទាត់ការប្រមូលទិន្នន័យរបស់អាជ្ញាធរឃុំ-ភូមិ ឱ្យត្រឹមត្រូវតាមបទដ្ឋានបច្ចេកទេស, ធានាថាគ្រួសារដែលទទួលបានប័ណ្ណសមធម៌ ឬប័ណ្ណងាយរងហានីភ័យ គឺជាអ្នកខ្វះខាត និងត្រូវទទួលបានគោលនយោបាយគាំពារសង្គមពិតប្រាកដ និងជួយតម្រង់ទិស និងដោះស្រាយបញ្ហាបច្ចេកទេសជូនអាជ្ញាធរមូលដ្ឋានឱ្យបានទាន់ពេលវេលា។

ពោធិ៍សាត់៖ លោក ហៀម ឃួន អភិបាលរងខេត្ត និងជាប្រធានក្រុមការងាររាជរដ្ឋាភិបាលចុះមូលដ្ឋានសង្កាត់រលាប បានដឹកនាំក្រុមការងារ ចុះសួរសុខទុក្ខ និងនាំយកអំណោយមនុស្សធម៌ចែកជូនដល់ប្រជាពលរដ្ឋក្រីក្រ និងចាស់ជរាចំនួន ១៩គ្រួសារ រស់នៅក្នុងភូមិថ្មបីដុំ សង្កាត់រលាប ក្រុងពោធិ៍សាត់ ខេត្តពោធិ៍សាត់ ដើម្បីចូលរួមកាត់បន្ថយការលំបាកក្នុងជីវភាពរស់នៅប្រចាំថ្ងៃ។ ក្នុងឱកាសជួបសំណេះសំណាលនោះ លោក ហៀម ឃួន បានពាំនាំនូវការផ្តាំផ្ញើសួរសុខទុក្ខយ៉ាងជ្រាលជ្រៅពីសំណាក់ថ្នាក់ដឹកនាំគ្រប់លំដាប់ថ្នាក់ ជូនចំពោះបងប្អូនប្រជាពលរដ្ឋទាំងអស់ ដែលជានិច្ចកាល ថ្នាក់ដឹកនាំតែងតែយកចិត្តទុកដាក់ខ្ពស់ចំពោះសុខទុក្ខ និងជីវភាពរស់នៅរបស់ប្រជាពលរដ្ឋនៅមូលដ្ឋាន ដោយមិនទុកឱ្យពលរដ្ឋណាម្នាក់រស់នៅក្នុងការបោះបង់ចោលឡើយ។ អំណោយដែលបានផ្តល់ជូនប្រជាពលរដ្ឋទាំង ១៩គ្រួសារ នាឱកាសនោះ ក្នុងមួយគ្រួសារទទួលបាន អង្ករ ១០ គីឡូក្រាម និងសារុង១។ ប្រជាពលរដ្ឋដែលទទួលបានអំណោយទាំងអស់ បានសម្តែងនូវក្តីរំភើបរីករាយ និងថ្លែងអំណរគុណយ៉ាងជ្រាលជ្រៅចំពោះ លោក ហៀម ឃួន ព្រមទាំងក្រុមការងារចុះមូលដ្ឋាន ដែលតែងតែគិតគូរ និងចុះមកជួយឧបត្ថម្ភគាំទ្រដល់ពួកគាត់ទាន់ពេលវេលា៕ សាយយ័ន្ដ វុន្នីយ៉ា

អភិបាលស្រុកក្រគរ បានអញ្ជើញដឹកនាំក្នុង «វេទិកាសាលារៀនយើង» នៅវិទ្យាល័យ ហ៊ុន សែន ឈើតុំ ដែលរៀបចំដោយការិយាល័យអប់រំ យុវជន និងកីឡាស្រុក។ វេទិកានេះធ្វើឡើងដើម្បីពង្រឹងកិច្ចសហការ និងលើកកម្ពស់គុណភាពអប់រំ ព្រមទាំងជំរុញឱ្យអាជ្ញាធរ អាណាព្យាបាល និងលោកគ្រូអ្នកគ្រូ ចូលរួមអភិវឌ្ឍធនធានមនុស្សក្នុងមូលដ្ឋានឱ្យកាន់តែប្រសើរឡើង។