ស្ទឹងត្រែង៖ នារសៀលថ្ងៃទី១៨ ខែតុលា ឆ្នាំ២០២៦ លោក ស្រ៊ន សំឫទ្ធី អភិបាលរងខេត្តស្ទឹងត្រែង តំណាងឯកឧត្តម សរ សុពុត្រា អភិបាលនៃគណៈអភិបាលខេត្ត បានអមដំណើរលោកជំទាវ ឡុង ភិរម្យ រដ្ឋលេខាធិការក្រសួងទេសចរណ៍ អញ្ជើញទទួលស្វាគមន៍លោកជំទាវ Suanesavanh Vignaket រដ្ឋមន្ត្រីក្រសួងវប្បធម៌ និងទេសចរណ៍ នៃសាធារណរដ្ឋប្រជាធិបតេយ្យប្រជាមានិតឡាវ នៅច្រកទ្វារព្រំដែនអន្តរជាតិត្រពាំងក្រៀល កម្ពុជា-ឡាវ។

នៅព្រឹកថ្ងៃទី១៤ ខែតុលា ឆ្នាំ២០២៦នេះ រដ្ឋបាលខេត្តស្ទឹងត្រែង បានរៀបចំប្រារព្ធពិធីគោរពព្រះវិញ្ញាណក្ខន្ធ ព្រះករុណា ព្រះបាទសម្ដេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គម្រប់ខួប ១៤ឆ្នាំ នៃការយាងចូលព្រះទិវង្គតរបស់ព្រះអង្គ ប្រកបដោយបរិយាកាសអធិកអធម ស្ងប់ស្ងាត់ និងពេញដោយក្តីក្តុកក្តួលរំជួលចិត្តជាពន់ពេក។

ស្ទឹងត្រែង៖ នារសៀលថ្ងៃទី៩ ខែតុលា ឆ្នាំ២០២៦ ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានអញ្ជើញទទួលស្វាគមន៍បងប្អូនប្រជាពលរដ្ឋ និងកម្មករនិយោជិត ដែលធ្វើដំណើរវិលត្រឡប់ពីរាជធានីភ្នំពេញ និងតាមបណ្តាខេត្តនានា មកកាន់ខេត្តស្ទឹងត្រែង ដើម្បីជួបជុំក្រុមគ្រួសារ និងសាច់ញាតិ ក្នុងឱកាសអបអរសាទរពិធីបុណ្យភ្ជុំបិណ្ឌប្រពៃណីជាតិខ្មែរ តាមរយៈសេវារថយន្តក្រុងដឹកជញ្ជូនសាធារណៈដោយឥតគិតថ្លៃ ដែលរៀបចំដោយរដ្ឋបាលរាជធានីភ្នំពេញ អនុវត្តតាមអនុសាសន៍ដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

ក្នុងស្មារតីលើកស្ទួយវិស័យព្រះពុទ្ធសាសនា និងការចូលរួមទ្រទ្រង់ជីវភាពព្រះសង្ឃក្នុងរដូវកាលបុណ្យទានប្រពៃណីជាតិ អង្ករសរុបចំនួន ៦ ៩០០ គីឡូក្រាម ដែលជាមហាសទ្ធាជ្រះថ្លាដ៏ខ្ពង់ខ្ពស់របស់ សម្តេចមហាបវរ ធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុនី ត្រូវបាននាំយកទៅវេរប្រគេនដល់ព្រះសង្ឃដែលគង់នៅវត្តចំនួន ២៣ ក្នុងខេត្តស្ទឹងត្រែង។

ស្ទឹងត្រែង ថ្ងៃទី០៩ ខែតុលា ឆ្នាំ២០២៦៖ នាព្រឹកថ្ងៃទី០៩ ខែតុលា ឆ្នាំ២០២៦ នេះ រដ្ឋបាលខេត្តស្ទឹងត្រែង បានរៀបចំកិច្ចប្រជុំមួយដើម្បីសម្របសម្រួល និងរៀបចំការបម្រើសេវាដឹកជញ្ជូនសាធារណៈដោយមិនបង់ថ្លៃ ជូនដល់បងប្អូនប្រជាពលរដ្ឋដែលមកលេងស្រុកកំណើតជួបជុំគ្រួសារក្នុងរយៈពេល ០៥ថ្ងៃ នាឱកាសពិធីបុណ្យភ្ជុំបិណ្ឌ ប្រពៃណីជាតិខ្មែរ។

ស្ទឹងត្រែង៖ នាព្រឹកថ្ងៃពុធ ទី៧ ខែតុលា ឆ្នាំ២០២៦នេះ លោក ស្រ៊ន សំឫទ្ធី អភិបាលរងខេត្តស្ទឹងត្រែង រួមជាមួយក្រុមការងាររាជរដ្ឋាភិបាលថ្នាក់ខេត្តចុះជួយស្រុកសេសាន និងអាជ្ញាធរមូលដ្ឋានស្រុកសេសាន បានអញ្ជើញចូលរួមក្នុងពិធីបុណ្យកាន់បិណ្ឌ វេន១១ នៅវត្តជ័យមង្គល ហៅវត្តកំភុន ដែលស្ថិតនៅក្នុងភូមិកំភុន ឃុំកំភុន ស្រុកសេសាន ខេត្តស្ទឹងត្រែង។