បាត់ដំបង៖ អាជ្ញាធរស្រុកឯកភ្នំ សហការជាមួយក្រុមការងារបច្ចេកទេសនៃមន្ទីរសាធារណការ និងដឹកជញ្ជូនខេត្តបាត់ដំបង បានចុះអន្តរាគមន៍ស្តារ និងជួសជុលផ្លូវខេត្តលេខ ១៥៦ ជាបន្ទាន់ ត្រង់ចំណុចគល់ស្ពានផ្សារប្រហុក ស្ថិតក្នុងភូមិស្នាពីមុខ ឃុំព្រែកខ្ពប ស្រុកឯកភ្នំ បន្ទាប់ពីផ្លូវនេះបានរងការខូចខាតដោយសារទឹកជំនន់ស្ទឹងសង្កែ ដើម្បីធានាការធ្វើដំណើរ និងការដឹកជញ្ជូនរបស់ប្រជាពលរដ្ឋឱ្យប្រព្រឹត្តទៅដោយសុវត្ថិភាព និងប្រក្រតីភាពឡើងវិញ។

បាត់ដំបង៖ រដ្ឋបាលស្រុករុក្ខគិរី ខេត្តបាត់ដំបង បានរៀបចំពិធីបិទផ្សាយជាសាធារណៈនូវឯកសារវិនិច្ឆ័យក្បាលដី សម្រាប់ភូមិចំនួន ១២ ក្នុងឃុំព្រែកជីក និងឃុំព្រៃត្រឡាច ស្រុករុក្ខគិរី នាព្រឹកថ្ងៃទី១៤ ខែតុលា ឆ្នាំ២០២៦។

បាត់ដំបង៖ ថ្ងៃទី១៣ ខែតុលា ឆ្នាំ២០២៦ លោក ស្រេង សុខា ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកបាណន់ ចាត់តំណាងក្រុមការងារអនុសាខា ដឹកនាំដោយលោកស្រី សួង ស៊ីណា អនុប្រធានអនុសាខាស្រុកព្រមទាំងសហការី និងអាជ្ញាធរមូលដ្ឋាន បាននាំយកសម្ភារគ្រឿងឧបភោគ បរិភោគ ព្រមទាំងថវិកាទៅចូលរួមរំលែកទុក្ខយ៉ាងក្រៀមក្រំបំផុតជាមួយគ្រួសារសពកុមារា និងកុមារី ២នាក់បងប្អូន ដែលបានទទួលមរណភាពដោយសារគ្រោះថ្នាក់លង់ទឹក។

បាត់ដំបងៈ អនុវត្តន៍តាមអនុសាសន៍ របស់ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង នៅព្រឹកថ្ងៃទី១០ ខែតុលា ឆ្នាំ២០២៦ លោក លាង វាសនា ប្រធានគណៈកម្មាធិការអនុសាខាកាកបាទ ក្រហមកម្ពុជាក្រុងបាត់ដំបង បានចាត់ក្រុមការងារអនុសាខាដឹកនាំដោយ លោក នូ ចំរើន អនុប្រធានគណៈកម្មាធិការអនុសាខាកាកបាទក្រហមកម្ពុជាក្រុង និងសហការី អញ្ជើញចុះសួរសុខទុក្ខនាំយកអំណោយ របស់សប្បុរជនតាមរយៈអនុសាខា ផ្តល់ជូនប្រជាពលរដ្ឋ ដែលរងគ្រោះដោយអគ្គិភ័យឆាបឆេះផ្ទះចំនួន ១ខ្នង កាលពីយប់ថ្ងៃទី០៩ ខែតុលា ឆ្នាំ២០២៦ ស្ថិតនៅត្រង់ចំណុចភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។

បាត់ដំបងៈ អនុវត្តន៍តាមអនុសាសន៍ របស់ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង នាព្រឹកថ្ងៃទី៩ ខែតុលា ឆ្នាំ២០២៦ លោក ប៊ី សុភាព ប្រធានគណៈកម្មាធិការសាខាអនុសាខាកាកបាទក្រហមកម្ពុជាស្រុកឯកភ្នំ បានចាត់ក្រុមការងារអនុសាខាដឹកនាំដោយ លោក ហឿន ឌឿ អនុប្រធានគណៈកម្មាធិការអនុសាខាស្រុកនិងសហការី ដោយមានការនិមន្តចូលរួមពី ព្រះបញ្ញាកោសល្យ សឿប វណ្ណៈ ព្រះគ្រូលេខាធិការអនុគណស្រុក និងជាអនុប្រធានកិត្តិយសអនុសាខាស្រុក បាននាំយកអំណោយមនុស្សធម៌ ប្រគល់ជូនគ្រួសាររងគ្រោះដោយអគ្គិភ័យ (ឆេះផ្ទះ) គឺ លោក ម៉ោង ម៉ាប់ (អាយុ ៦៣ឆ្នាំ) ដែលបានជួបគ្រោះមហន្តរាយកាលពីវេលាម៉ោង ០០:១៥នាទី រំលងអធ្រាត្រ ថ្ងៃទី៩ ខែតុលា ឆ្នាំ២០២៦ នៅចំណុចក្រុមទី៥ ភូមិស្វាយជ្រុំ ឃុំព្រែកនរិន្ទ ស្រុកឯកភ្នំ។

បាត់ដំបង៖ ក្រោយពីស្ថានភាពទឹកជំនន់បានស្រកចុះជាបន្តបន្ទាប់ នៅព្រឹកថ្ងៃទី៣០ ខែកញ្ញា ឆ្នាំ២០២៦នេះ រដ្ឋបាលមូលដ្ឋាន សង្កាត់ និងភូមិនៃក្រុងបាត់ដំបង បានបន្តការយកចិត្តទុកដាក់ក្នុងការត្រួតពិនិត្យ និងតាមដានប្រព័ន្ធផ្លូវតូចធំ ដែលទទួលរងផលប៉ះពាល់ទាំងធ្ងន់ធ្ងរ និងស្រាល។