លោក ស សុដានីអភិបាលរងខេត្តតំណាងឯកឧត្តម ប៉េង ពោធិសា អភិបាលខេត្តបានធ្វើការផ្ដាំផ្ញើដល់សិស្សានុសិស្សប្រមាណជាង ១000 នាក់ នៅសាលាវិទ្យាល័យស្វាយរៀង ត្រូវខិតខំរៀនសូត្រឲ្យមានចំណេះដឹងខ្ពស់ សីលធម៌ល្អ សុខភាពល្អ ដើម្បីក្លាយជា ធនធានមនុស្សដ៏ល្អប្រសើរនៅក្នុងសង្គមជាតិ
(ស្វាយរៀង)៖ នៅថ្ងៃសុក្រ ទី៣០ ខែតុលា ឆ្នាំ២០២៦ លោក ម៉ែន អេង អភិបាលរងខេត្ត តំណាងឯកឧត្តមអភិបាលខេត្តស្វាយរៀង មានការដឹកនាំនីតិវិធីដោយលោក ចាន់ វណ្ណ: ព្រះរាជអាជ្ញារងនៃអយ្យការអមសាលាដំបូងខេត្តស្វាយរៀង និងលោក ឡុច សុខលៀង ប្រធានក្រុមការងារប្រតិបត្តិការ និងនីតិវិធីនៃលេខាធិការដ្ឋាន គ.ប.ឆ.ប បានសម្របសម្រួលជូនក្រុមការងារក្រសួងសន្តិសុខសាធារណៈចិន ចុះត្រួតពិនិត្យទីតាំងប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams) បានបិតកន្លងមក ស្ថិតនៅតំបន់ OP ក្នុងក្រុងបាវិត ខេត្តស្វាយរៀង។
ខេត្តស្វាយរៀង៖ ព្រឹកថ្ងៃសុក្រ ៤រោច ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣០ ខែតុលា ឆ្នាំ២០២៦ ពិធីប្រកាសដាក់ឱ្យដំណើរការជាផ្លូវការនូវ «គម្រោង ត្បូងខ្មែរ» ត្រូវបានរៀបចំឡើងយ៉ាងអធិកអធម នៅវត្តព្រៃគគីរ ស្ថិតក្នុងភូមិព្រៃគគីរ ឃុំព្រៃគរគី ស្រុកចន្ទ្រា ខេត្តស្វាយរៀង។
នាព្រឹកថ្ងៃទី៣០ ខែតុលា ឆ្នាំ២០២៦នេះ ឯកឧត្តម ម៉ែន វិបុល ប្រធានក្រុមប្រឹក្សាខេត្តស្វាយរៀង បានអញ្ជើញជាអធិបតីដឹកនាំកិច្ចប្រជុំសាមញ្ញលើកទី២៩ ឆ្នាំទី៣ អាណត្តិទី៤ របស់ក្រុមប្រឹក្សាខេត្ត និងមានការអញ្ជើញចូលរួមពី ឯកឧត្តម ប៉េង ពោធិ៍សា អភិបាល នៃគណៈអភិបាលខេត្តស្វាយរៀង ព្រមទាំងមានការចូលរួមពី លោក លោកស្រី អភិបាលរងខេត្ត នៃគណៈអភិបាលខេត្ត លោក លោកស្រី នាយក នាយករងរដ្ឋបាលសាលាខេត្ត លោក លោកស្រី ប្រធានមន្ទីរ អង្គភាពពាក់ព័ន្ធជុំវិញខេត្ត និងទីចាត់ការនានាចំណុះសាលាខេត្ត ដែលប្រព្រឹត្តិទៅនៅសាលប្រជុំនន្ទី អគារ ខ សាលាខេត្តស្វាយរៀង។
នាថ្ងៃទី២៨ ខែតុលា ឆ្នាំ២០២៦ ឯកឧត្តម ម៉ែន វិបុល ប្រធានក្រុមប្រឹក្សាខេត្ត និងឯកឧត្ដម ប៉េង ពោធិ៍សា អភិបាលខេត្តស្វាយរៀង បានអញ្ជើញចូលរួមកិច្ចប្រជុំស្ដាប់សេចក្តីរាយការណ៍ស្ដីពី «វឌ្ឍនភាពការងារប្រចាំឆមាសទី១ ឆ្នាំ២០២៦» របស់រដ្ឋបាលខេត្តស្វាយរៀង ដែលកិច្ចប្រជុំនេះ បានប្រព្រឹត្តទៅនៅទីស្តីការក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ
