ភស្តុតាងនៃការឈ្លានពានរបស់ថៃ មិនមែនមានតែទូកុងតឺន័រ ៧២ ទូនោះទេ ប៉ុន្តែរួមមានផ្ទះសម្បែងដែលប្រជាពលរដ្ឋមិនអាចវិលត្រឡប់ទៅរស់នៅបាន កុមារ ១,៥៦៩ នាក់ដែលជីវិតប្រចាំថ្ងៃត្រូវបានរំខាន និងប្រជាពលរដ្ឋ ៥,៣៨៦ នាក់ ដែលរង់ចាំត្រឡប់ទៅភូមិព្រៃចាន់ និងភូមិជោគជ័យ ខេត្តបន្ទាយមានជ័យ។

ឯកឧត្តម គន់ គីម ចុះពិនិត្យស្ថានភាពទឹកជំនន់ និងផលប៉ះពាល់ប្រជាពលរដ្ឋដែលត្រូវបានជម្លៀសទៅទីទួលសុវត្ថិភាព ស្ថិតនៅឃុំទន្លេបិទ និងឃុំជីរោទ៍១ ស្រុកត្បូងឃ្មុំ ខេត្តត្បូងឃ្មុំ។

បន្ទាប់ពីទទួលបានដីសម្បទានសង្គមកិច្ច និងសេដ្ឋកិច្ចពីរាជរដ្ឋាភិបាល លោក សាន សន ជាសម្បទានិករស់នៅក្នុងឃុំប៉ោយចារ ស្រុកភ្នំស្រុក ខេត្តបន្ទាយមានជ័យ បានចាប់ផ្តើមជីវភាពថ្មី ដោយប្រកបមុខរបរលក់គ្រឿងសំណង់ ដើម្បីបង្កើនចំណូល និងលើកស្ទួយជីវភាពគ្រួសារ។ ដីសម្បទានសង្គមកិច្ច និងសេដ្ឋកិច្ច មិនត្រឹមតែផ្តល់ដីសម្រាប់រស់នៅ និងប្រកបរបរប៉ុណ្ណោះទេ ប៉ុន្តែថែមទាំងអាចក្លាយជាដង្ហើមសេដ្ឋកិច្ច និងឱកាសសម្រាប់គ្រួសារឈានទៅរកជីវភាពប្រសើរជាងមុន។

នៅថ្ងៃព្រហស្បតិ៍ ទី២០ ខែសីហា ឆ្នាំ២០២៦ វេលាម៉ោង១០:២៥នាទីព្រឹក ក្រុមអ្នកសម្របសម្រួល (CLG) នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អាស៊ានប្រចាំព្រះរាជាណាចក្រកម្ពុជា (ASEAN Observer Team–Cambodia: AOT-KH) ដឹកនាំដោយ ប្រធានបេសកកម្មក្រុមអ្នកសង្កេតការណ៍អាស៊ាន (AOT KH HOM) ពីសាធារណរដ្ឋហ្វីលីពីន ចុះសង្កេតការណ៍ផ្ទៀងផ្ទាត់ និងរាយការណ៍អំពីស្ថានភាពតាមបណ្តោយព្រំដែនកម្ពុជា-ថៃ នៅចំណុចច្រកទ្វារព្រំដែនអនុ្តរជាតិស្ទឹងបត់ ស្ថិតក្នុងភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ក្រោយបទឈប់បាញ់ចូលជាធរមាន ក្នុងការធានាការអនុវត្តបទឈប់បាញ់រវាងកម្ពុជានិងថៃ ដើម្បីលើកកម្ពស់តម្លាភាព ការជឿទុកចិត្តគ្នា និងការពារអាយុជីវិតប្រជាពលរដ្ឋ និងឆ្ពោះទៅការធ្វើឱ្យប្រសើរឡើងវិញឆាប់រហ័ស និងការវិលត្រឡប់ទៅរកប្រក្រតីភាព សន្តិភាព និងស្ថិរភាពយូរអង្វែង។

បន្ទាយមានជ័យ៖ នៅរសៀលថ្ងៃព្រហស្បតិ៍ ទី២០ ខែសីហា ឆ្នាំ២០២៦ ឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការ សមាគមអតីតយុទ្ធជនកម្ពុជា (អ.ន.ក.) បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីប្រកាសសមាសភាពអនុប្រធានគណៈកម្មាធិការ ព្រមទាំងប្រធាន និងអនុប្រធានលេខាធិការដ្ឋាន សមាគមអតីតយុទ្ធជនកម្ពុជា ខេត្តបន្ទាយមានជ័យ។

វីដេអូក្រោមចំណងជើងថា "មនសិការភូមិរង់ចាំ" នឹងបង្ហាញអំពីការកសាងជីវភាពឡើងវិញ ការខិតខំតស៊ូ និងការប្រឹងប្រែងរបស់ពួកគាត់ ដែលជាស្មារតីគំរូមួយសម្រាប់សង្គមជាតិ