នៅព្រឹកថ្ងៃទី២៣ ខែសីហា ឆ្នាំ២០២៦ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត បានដាក់ចេញនូវកិច្ចចង្អុលការផ្ទាល់ទៅកាន់មន្ទីរសាធារណការ និងដឹកជញ្ជូនខេត្តកំពត ព្រមទាំងមន្ទីរជំនាញពាក់ព័ន្ធ ឱ្យចុះអន្តរាគមន៍ជួសជុលផ្លូវដែលខូចខាតដោយក្រាលថ្មម៉ិច រហូតដល់សាលាសង្កាត់ត្រើយកោះ ក្នុងគោលបំណងសម្រួលដល់ការធ្វើដំណើរ និងដោះស្រាយការលំបាកជូនប្រជាពលរដ្ឋឱ្យបានទាន់ពេលវេលា បន្ទាប់ពីទទួលបានការសំណូមពរពីប្រជាពលរដ្ឋក្នុងមូលដ្ឋាន។

ក្រោមអធិបតីភាព លោក ប៊ុត ដា អភិបាលរងស្រុកជុំគិរី និងមានការចូលរួមពីនាយកទីចាត់ការផែនការ និងវិនិយោគសាលាខេត្ត មន្ត្រីបច្ចេកទេសខេត្តគាំទ្រឃុំ និងមន្ត្រីនៃមន្ទីរព័ត៍មានខេត្ត ការសាងសង់ និងដាក់ឱ្យប្រើប្រាស់ផ្លូវបេតុងអាមេចំនួន ៣ខ្សែ នៅក្នុងឃុំច្រេស ឃុំស្រែសំរោង និងឃុំស្រែក្នុង ស្រុកជុំគិរី ខេត្តកំពត គឺជាសមិទ្ធផលសំខាន់មួយក្នុងការអភិវឌ្ឍហេដ្ឋារចនាសម្ព័ន្ធនៅមូលដ្ឋាន និងជាការឆ្លើយតបចំពោះតម្រូវការរបស់ប្រជាពលរដ្ឋ។

អភិបាលខេត្តកំពត បានជំរុញដល់មន្ត្រីរាជការក្នុងខេត្តទាំងអស់ ត្រូវពន្លូតចំណេះដឹង និងពង្រឹងសមត្ថភាពការងារ ពង្រឹងការដឹកនាំឱ្យមានគុណភាព ដើម្បីទទួលបានការទុកចិត្តពីសំណាក់ថ្នាក់ដឹកនាំ និងបន្តផ្តល់តួនាទីភារកិច្ចក្នុងការបំពេញការងារ។ ទន្ទឹមនឹងនោះការទទួលបានមុខតំណែងតួនាទីនាពេលនេះគឺមានតម្លៃស្ថិតលើក្រដាស់តែប៉ុណ្ណោះ តែតម្លៃនៃតួនាទីពិតប្រាកដគឺស្ថិតនៅលើការអនុវត្តជាក់ស្តែងក្រោយទទួលបាន។

កំពត៖ នៅថ្ងៃទី២០ ខែសីហា ឆ្នាំ២០២៦នេះ ឯកឧត្តម សរ សុវណ្ណ រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកជុំគិរី ព្រមទាំងលោកជំទាវ ប៉ុក ករុណា ជំនួយការឧបនាយករដ្ឋមន្ត្រី សាយ សំអាល់ ដោយមានការចូលរួមពី លោកស្រី ង៉ែត សូរ្យសែង អភិបាលស្រុកជុំគិរី និងក្រុមការងាររដ្ឋបាលស្រុក បានអញ្ជើញដោយផ្ទាល់ ក្នុងពិធីប្រគល់ផ្ទះជូនគ្រួសារអតីតយុទ្ធជន និងនិវត្តជន ក្នុងមូលដ្ឋានស្រុកជុំគិរី ខេត្តកំពត ដើម្បីជួយដោះស្រាយការលំបាក និងលើកកម្ពស់ជីវភាពរស់នៅរបស់ពួកគាត់ តាមរយៈការផ្តល់ជម្រកសមរម្យ។

កំពត៖ លោកស្រី ង៉ែត សូរ្យសែង អភិបាលស្រុកជុំគិរី បានអញ្ជើញជួបសំណេះសំណាល សួរសុខទុក្ខ និងស្តាប់មតិយោបល់ សំណូមពររបស់ប្រជាពលរដ្ឋ ព្រមទាំងអតីតយុទ្ធជន និងនិវត្តជន ក្នុងមូលដ្ឋានស្រុកជុំគិរី នាថ្ងៃទី២០ ខែសីហានេះ ដើម្បីពង្រឹងភាពស្និទ្ធស្នាល និងទំនាក់ទំនងរវាងអាជ្ញាធរ និងប្រជាពលរដ្ឋក្នុងមូលដ្ឋាន តាមរយៈការជួបផ្ទាល់ និងការផ្តល់អនុសាសន៍ណែនាំផ្សេងៗ។

រដ្ឋបាលខេត្តកំពត បន្តជំរុញការប្រែក្លាយក្រុងកំពតជាទីក្រុងទេសចរណ៍គ្មានផ្សែងបារី ដើម្បីលើកកម្ពស់សោភ័ណភាព បង្កើនភាពទាក់ទាញដល់ភ្ញៀវទេសចរ និងការពារសុខភាពប្រជាពលរដ្ឋ តាមរយៈការអប់រំ ផ្សព្វផ្សាយ និងជំរុញការអនុវត្តច្បាប់ស្តីពីការត្រួតពិនិត្យផលិតផលថ្នាំជក់។