កំពត៖ ប្រជាពលរដ្ឋ និងអាជ្ញាធរឃុំស្រែក្នុង ស្រុកជុំគិរី ខេត្តកំពត បានសម្ដែងក្តីសប្បាយរីករាយ និងអំណរគុណចំពោះការទទួលបានផ្លូវបេតុងថ្មីមួយខ្សែ ស្ថិនក្នុងភូមិព្រៃយ៉ាត់ ដែលជាសមិទ្ធផលហេដ្ឋារចនាសម្ព័ន្ធដ៏សំខាន់មួយ សម្រាប់បម្រើផលប្រយោជន៍ និងជួយសម្រួលដល់ជីវភាពរស់នៅរបស់ប្រជាពលរដ្ឋក្នុងមូលដ្ឋាន។ ផ្លូវបេតុងថ្មីនេះ បានជួយសម្រួលដល់ការធ្វើដំណើររបស់ប្រជាពលរដ្ឋឱ្យកាន់តែងាយស្រួល និងមានសុវត្ថិភាព ជាពិសេសក្នុងរដូវវស្សា ព្រមទាំងជួយសម្រួលដល់ការដឹកជញ្ជូនកសិផល និងការធ្វើដំណើរទៅកាន់ទីផ្សារ សាលារៀន មណ្ឌលសុខភាព និងទីប្រជុំជនផងដែរ។

កំពត៖ ប្រជាពលរដ្ឋចំនួន ២០៩គ្រួសារ រងគ្រោះដោយគ្រោះធម្មជាតិ ខ្យល់កន្ត្រាក់ នៅស្រុកអង្គជ័យ បន្ទាយមាស និងកំពង់ត្រាច ខេត្តកំពត បានទទួលអំណោយមនុស្សធម៌ពីសាខាកាកបាទក្រហមកម្ពុជា ខេត្តកំពត ដើម្បីជួយសម្រាលការលំបាក និងគាំទ្រជីវភាពក្នុងអំឡុងពេលជួបគ្រោះមហន្តរាយ។

ដោយសារមានរសជាតិ និងក្លិនឈ្ងុយពិសេស ព្រមទាំងត្រូវបានផលិតស្របតាមលក្ខខណ្ឌភូមិសាស្ត្រ និងបច្ចេកទេសដែលមានលក្ខណៈពិសេស ដែលបានរួមចំណែកបង្កើនប្រាក់ចំណូល និងលើកកម្ពស់ជីវភាពប្រជាកសិករ ព្រមទាំងផ្សព្វផ្សាយកេរ្តិ៍ឈ្មោះផលិតផលកម្ពុជាទៅកាន់ពិភពលោក។

កំពត៖ ផ្លូវបេតុងមួយខ្សែ ដែលស្ថិតរកនៅក្នុងមូលដ្ឋាន ភូមិធ្លោកយ៉ុល ឃុំស្រែសំរោង ស្រុកជំគិរី ត្រូវបានចាត់ទុកថា ជាសមិទ្ធផលហេដ្ឋារចនាសម្ព័ន្ធដ៏មានសារៈសំខាន់ សម្រាប់ជួយសម្រួលដល់ការធ្វើដំណើរ ការដឹកជញ្ជូន និងការរស់នៅប្រចាំថ្ងៃរបស់ប្រជាពលរដ្ឋ។

នៅព្រឹកថ្ងៃទី២៣ ខែសីហា ឆ្នាំ២០២៦ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត បានដាក់ចេញនូវកិច្ចចង្អុលការផ្ទាល់ទៅកាន់មន្ទីរសាធារណការ និងដឹកជញ្ជូនខេត្តកំពត ព្រមទាំងមន្ទីរជំនាញពាក់ព័ន្ធ ឱ្យចុះអន្តរាគមន៍ជួសជុលផ្លូវដែលខូចខាតដោយក្រាលថ្មម៉ិច រហូតដល់សាលាសង្កាត់ត្រើយកោះ ក្នុងគោលបំណងសម្រួលដល់ការធ្វើដំណើរ និងដោះស្រាយការលំបាកជូនប្រជាពលរដ្ឋឱ្យបានទាន់ពេលវេលា បន្ទាប់ពីទទួលបានការសំណូមពរពីប្រជាពលរដ្ឋក្នុងមូលដ្ឋាន។

អភិបាលខេត្តកំពត បានជំរុញដល់មន្ត្រីរាជការក្នុងខេត្តទាំងអស់ ត្រូវពន្លូតចំណេះដឹង និងពង្រឹងសមត្ថភាពការងារ ពង្រឹងការដឹកនាំឱ្យមានគុណភាព ដើម្បីទទួលបានការទុកចិត្តពីសំណាក់ថ្នាក់ដឹកនាំ និងបន្តផ្តល់តួនាទីភារកិច្ចក្នុងការបំពេញការងារ។ ទន្ទឹមនឹងនោះការទទួលបានមុខតំណែងតួនាទីនាពេលនេះគឺមានតម្លៃស្ថិតលើក្រដាស់តែប៉ុណ្ណោះ តែតម្លៃនៃតួនាទីពិតប្រាកដគឺស្ថិតនៅលើការអនុវត្តជាក់ស្តែងក្រោយទទួលបាន។