កំពត៖ អាជ្ញាធរស្រុកំពង់ត្រាច បានបញ្ជាក់ថានៅទូទាំងស្រុកកំពុងត្រាចមានផ្លូវក្នុងភូមិចំនួន ៣៩០ខ្សែ ប្រវែង ៦៦០២៦៣ម៉ែត្រ ក្នុងនោះមានផ្លូវបេតុង៣៣ខ្សែ ប្រវែង២៧៥៤០ម៉ែត្រ ហើយដោយអនុវត្តតាមការណែនាំរបស់ឯកឧត្តមបណ្ឌិតអភិបាលខេត្ត គ្រប់ឃុំលែងសាងសង់ផ្លូវក្រាលក្រួសក្រហមទៀតហើយ គឺនឹងខិតខំលើកកម្ពស់គុណភាពផ្លូវលំក្រាលក្រួស ឲ្យទៅជាផ្លូវបេតុងអាមេទាំងអស់នៅទូទាំងស្រុក។

កំពត៖ អាជ្ញាធរស្រុកកំពង់ត្រាចបានបញ្ជាក់ថា ទេសចរណ៍ជាវិស័យលេចធ្លោមួយរបស់ស្រុកកំពង់ត្រាច។ បច្ចុប្បន្នស្រុកមានតំបន់រមណីយដ្ឋានទាក់ទាញចំនួន៦កន្លែង ដែលបានដើរតួយ៉ាងសំខាន់ ក្នុងលើកកម្ពស់ជីវភាពរស់នៅរបស់ប្រជាពលរដ្ឋក្នុងមូលដ្ឋាន និងសេដ្ឋកិច្ចសង្គម។ រមណីយដ្ឋានទាំង៦មាន៖រមណីយដ្ឋានធម្មជាតិភ្នំកំពង់ត្រាច រមណីយដ្ឋានភ្នំទឹកធំ តំបន់ការពារទេសភាពបឹងអន្លង់ព្រីង តំបន់ទេសចរណ៍ភ្នំដំរី តំបន់ឆ្នេរសមុទ្រ និងសហគមន៍ម្រេចកំពត។

កំពត៖ ថ្នាក់ដឹកនាំក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានជំរុញឱ្យគ្រប់ភាគីពាក់ព័ន្ធរួមគ្នាពង្រីកប្រព័ន្ធផ្គត់ផ្គង់ទឹកស្អាត និងលើកកម្ពស់គុណភាពសេវា ដើម្បីឱ្យប្រជាពលរដ្ឋទទួលបានទឹកស្អាតប្រកបដោយ គុណភាព សុវត្ថិភាព និរន្តរភាព និងតម្លៃសមរម្យ ស្របតាមគោលដៅអភិវឌ្ឍន៍ប្រកបដោយចីរភាពកម្ពុជា ឆ្នាំ២០៣០។

កំពត៖ មន្ត្រីជំនាញបានបញ្ជាក់ថា ដើម្បីឆ្លើយតបសេចក្ដីត្រូវការចាំបាច់របស់ប្រជាពលរដ្ឋ ជាពិសេសអ្នកមានបញ្ហាសុខភាពធ្ងន់ធ្ងរ អាចមកទទួលសេវាព្យាបាលបាននៅជិតផ្ទះ កាត់បន្ថយការចំណាយ និងហានីភ័យ មន្ទីរពេទ្យបង្អែកស្រុកកំពង់ត្រាចបាន និងកំពុងខិតខំពង្រឹងការផ្ដល់សេវាសំខាន់ៗចំនួន២បន្ថែម គឺសេវាសង្គ្រោះបន្ទាន់ និងសេវាវះកាត់ ឲ្យកាន់តែល្អប្រសើរជាងមុន ។

កំពត៖ មន្ត្រីជាន់ខ្ពស់ក្រសួងសុខាភិបាល បានណែនាំដល់មន្ត្រីជំនាញ អាជ្ញាធរគ្រប់លំដាប់ថ្នាក់ និងភាគីពាក់ព័ន្ធ ឱ្យរួមគ្នារៀបចំផែនការ និងបង្កើនការងារថែទាំសុខភាពបឋម ជាពិសេសការអប់រំ និងផ្សព្វផ្សាយសារសុខភាពសំខាន់ៗ ដើម្បីបង្ការជំងឺ កាត់បន្ថយហានិភ័យ ការចំណាយថវិកា និងពេលវេលារបស់ប្រជាពលរដ្ឋ ព្រមទាំងរួមចំណែកឈានទៅសម្រេចការគ្របដណ្តប់សុខភាពជាសកល។

កំពត៖ ប្រជាពលរដ្ឋ និងអាជ្ញាធរឃុំស្រែក្នុង ស្រុកជុំគិរី ខេត្តកំពត បានសម្ដែងក្តីសប្បាយរីករាយ និងអំណរគុណចំពោះការទទួលបានផ្លូវបេតុងថ្មីមួយខ្សែ ស្ថិនក្នុងភូមិព្រៃយ៉ាត់ ដែលជាសមិទ្ធផលហេដ្ឋារចនាសម្ព័ន្ធដ៏សំខាន់មួយ សម្រាប់បម្រើផលប្រយោជន៍ និងជួយសម្រួលដល់ជីវភាពរស់នៅរបស់ប្រជាពលរដ្ឋក្នុងមូលដ្ឋាន។ ផ្លូវបេតុងថ្មីនេះ បានជួយសម្រួលដល់ការធ្វើដំណើររបស់ប្រជាពលរដ្ឋឱ្យកាន់តែងាយស្រួល និងមានសុវត្ថិភាព ជាពិសេសក្នុងរដូវវស្សា ព្រមទាំងជួយសម្រួលដល់ការដឹកជញ្ជូនកសិផល និងការធ្វើដំណើរទៅកាន់ទីផ្សារ សាលារៀន មណ្ឌលសុខភាព និងទីប្រជុំជនផងដែរ។