ក្រសួងផែនការ រៀបចំកិច្ចប្រជុំពិភាក្សាលើសេចក្តីព្រាងអនុក្រឹត្យស្តីពីការកំណត់ និងពិពណ៌នាមុខតំណែងវិជ្ជាជីវៈ ផែនការ និងស្ថិតិ

ពោធិ៍សាត់៖ ឯកឧត្តម តែ ប៊ុណ្ណារិទ្ធ រដ្ឋលេខាធិការក្រសួងផែនការ បានអញ្ជើញដឹកនាំ និងដឹកនាំកិច្ចប្រជុំពិភាក្សាលើ «សេចក្តីព្រាងអនុក្រឹត្យស្តីពីការកំណត់មុខតំណែង និងការពិពណ៌នាមុខតំណែងវិជ្ជាជីវៈ ផែនការ និងស្ថិតិ» តាមរយៈប្រព័ន្ធវីដេអូអនឡាញ (Online Connection) នៅថ្ងៃទី២០ ខែសីហា ឆ្នាំ២០២៦ ។ កិច្ចប្រជុំនេះ រៀបចំឡើងក្នុងគោលបំណងកែសម្រួល កំណត់អត្តសញ្ញាណ និងរៀបចំការពិពណ៌នាមុខតំណែងវិជ្ជាជីវៈផ្នែកផែនការ និងស្ថិតិឱ្យមានភាពច្បាស់លាស់ សំដៅពង្រឹងប្រសិទ្ធភាពការងារ និងកសាងសមត្ថភាពមន្ត្រីរាជការក្នុងវិស័យនេះឱ្យកាន់តែមានចរិតលក្ខណៈវិជ្ជាជីវៈខ្ពស់ ឆ្លើយតបទៅនឹងការកែទម្រង់រដ្ឋបាលសាធារណៈ៕