ឯកឧត្តម ខូយ រីដា អភិបាលខេត្តពោធិ៍សាត់ បានអញ្ជើញជួបសំណេះសំណាល និងចែកអំណោយលើកទឹកចិត្តដល់ថ្នាក់ដឹកនាំ មន្ត្រីរាជការ និងបុគ្គលិកសាលាខេត្ត ក្នុងឱកាសបុណ្យភ្ជុំបិណ្ឌ នៅសាលប្រជុំទាពឧកញ៉ាឃ្លាំងមឿង។ ក្នុងនោះ ឯកឧត្តមបានកោតសរសើរដល់កិច្ចខិតខំប្រឹងប្រែងរបស់មន្ត្រី ក្រើនរំលឹកឱ្យរក្សា​សាមគ្គីភាព និងការទទួលខុសត្រូវខ្ពស់ ព្រមទាំងជូនពរជ័យ និងសុវត្ថិភាពដល់មន្ត្រីទាំងអស់ក្នុងការធ្វើដំណើរទៅជួបជុំគ្រួសារ។

លោកស្រី ប៉ុក ណាឌី អភិបាលរង តំណាងឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ និងលោកជំទាវ អាំង សុជាតា ខូយរីដា ប្រធានកិត្តិយសសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តពោធិ៍សាត់ បានអញ្ជើញដឹកនាំ មន្ត្រីរាជការ សមាជិកាសមាគមនារីខេត្តពោធិ៍សាត់ និងបងប្អូនប្រជាពុទ្ធបរិស័ទ ចូលរួមកាន់បិណ្ឌទី១២ នៅវត្តឯការាម ស្ថិតក្នុងសង្កាត់ចំរើនផល និងវត្តហ្លួង សង្កាត់លលកសក្រុងពោធិ៍សាត់។

ឯកឧត្តម សេង ទៀង បាននាំអំណោយថ្នាក់ដឹកនាំជាន់ខ្ពស់ ជូនម្តាយឈ្មោះ សុន ស្រីនីត ដែលសម្រាលបានកូនភ្លោះប្រុស ៣នាក់ គ្រួសារទី៤៤២ នៅមន្ទីរពេទ្យបង្អែកខេត្តពោធិ៍សាត់។

ពោធិ៍សាត់៖ លោកវរសេនីយ៍ឯក សុខ ម៉េងឡុង​ មេបញ្ជាការរងខេត្តព្រះសីហនុ ត្រូវបានប្រគល់ភារកិច្ចជាមេបញ្ជាការអាវុធហត្ថខេត្តពោធិ៍សាត់​បណ្តោះអាសន្ន ជំនួសឧត្តមសេនីយ៍ត្រី​ ពុទ្ធ លី​ ដែលមានឈ្មោះដល់ចូលនិវត្តន៍ហេីយ។ នៅថ្ងៃទី៧ ខែតុលា​ ឆ្នាំ២០២៦ នាយឧត្តមសេនីយ៍​ សៅ​ សុខា​ មេបញ្ជាការអាវុធហត្ថលេីផ្ទៃប្រទេស​ បានអញ្ជេីញជួបសំណេះសំណាល​ និងប្រគល់ភារកិច្ចបណ្តោះអាសន្នជាមេបញ្ជាការស្តីទី​ ជូនលោកវរសេនីយ៍ឯក​ សុខ ម៉េងឡុង៕

ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញចូលរួមកិច្ចប្រជុំស្តីពីការណែនាំការចុះអនុវត្តប្រតិបត្តិការស្តង់ដាតែមួយ ក្នុងការឃាត់ខ្លួន កំណត់អត្តសញ្ញាណ និងរៀបចំនីតិវិធីចំពោះជនបរទេស ដែលត្រូវបណ្តេញចេញពីព្រះរាជាណាចក្រកម្ពុជា នាថ្ងៃទី០៧ ខែតុលា ឆ្នាំ២០២៦។

ក្រុមប្រឹក្សាខេត្តពោធិ៍សាត់ បានបើកកិច្ចប្រជុំសាមញ្ញលើកទី២៩ ក្រោមអធិបតីភាព ឯកឧត្តម ម៉ក់ រ៉ា ប្រធានក្រុមប្រឹក្សាខេត្តពោធិ៍សាត់ និង លោក ពៅ ពិសិដ្ឋ អភិបាលរងខេត្តពោធិ៍សាត់។ កិច្ចប្រជុំនេះបានពិនិត្យ និងអនុម័តលើកំណត់ហេតុចាស់ របាយការណ៍ប្រចាំខែកញ្ញា តារាងប្រាក់រង្វាន់លើកទឹកចិត្ត និងស្តាប់របាយការណ៍គណៈកម្មាធិការនានា ដើម្បីពង្រឹងប្រសិទ្ធភាពការងាររដ្ឋបាល និងការបម្រើសេវាជូនប្រជាពលរដ្ឋឱ្យកាន់តែល្អប្រសើរ។