ព័ត៌មានតាមបណ្តារខេត្ត

បាត់ដំបង៖សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសថា នៅខែវិច្ឆិកា ឆ្នាំ២០២៦ ខាងមុខនេះ ផ្លូវសំខាន់ៗចំនួន២៨ខ្សែនៅក្នុងក្រុងបាត់ដំបងនឹងត្រូវចាប់ផ្តើមស្តារ និងជួសជុលឡើងវិញដោយរៀបចំប្រព័ន្ធផ្លូវ និងប្រព័ន្ធលូស្របគ្នាតែម្តង។

បាត់ដំបង៖ ប្រជាពលរដ្ឋខេត្តបាត់ដំបងទទួលបានដំណឹងដ៏រីករាយ និងជាក្តីសង្ឃឹមថ្មី ខណៈសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានប្រកាសជាផ្លូវការអំពីការស្តារ និងកែលម្អប្រព័ន្ធផ្លូវជាង ២១ខ្សែ ព្រមទាំងផ្លូវសំខាន់ៗមួយចំនួនទៀតនៅក្នុងខេត្តបាត់ដំបង។

ខេត្តបាត់ដំបង៖ នារសៀលថ្ងៃទី០៧ ខែតុលា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញជួបសំណេះសំណាល សួរសុខទុក្ខ និងនាំយកអំណោយស្បៀងអាហារទៅចែកជូនប្រជាពលរដ្ឋដែលរងគ្រោះដោយជំនន់ទឹកភ្លៀងចំនួន ៤០០គ្រួសារ។ ពិធីនេះត្រូវបានរៀបចំឡើងនៅក្នុងបរិវេណវត្តក្តុលដូនទាវ ក្រុងបាត់ដំបង ខេត្តបាត់ដំបង។

បាត់ដំបង៖ គិតត្រឹមម៉ោង ១០:០០ យប់ ថ្ងៃទី០៧ ខែតុលា ឆ្នាំ២០២៦ នេះ កម្លាំងសមត្ថកិច្ច ប្រជាពលរដ្ឋ និងសាច់ញាតិ នៅតែមិនទាន់រកឃើញលោកមេភូមិត្រាង ឃុំអូរតាគី នៅឡើយទេ ក្រោយពីគាត់បានជួបគ្រោះថ្នាក់លិចទូកស្មាច់ កាលពីវេលាម៉ោងប្រមាណ ០៨:០០ ព្រឹក ថ្ងៃដដែល នៅចំណុចខាងក្រោយវត្តត្រស់។

បាត់ដំបង៖ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអំពាវនាវ និងណែនាំយ៉ាងម៉ឺងម៉ាត់ដល់បងប្អូនប្រជាពលរដ្ឋ ឱ្យយកចិត្តទុកដាក់ខ្ពស់លើការថែរក្សាសុខភាព រស់នៅមានអនាម័យ និងប្រុងប្រយ័ត្នចំពោះការប្រើប្រាស់ថ្នាំសង្កូវ ដើម្បីចៀសវាងគ្រោះថ្នាក់ដល់ជីវិត ក្នុងអំឡុងពេល និងក្រោយពេលដែលតំបន់មួយចំនួនក្នុងខេត្តបានរងគ្រោះដោយសារជំនន់ទឹកភ្លៀង។

បាត់ដំបង៖នៅថ្ងៃទី៤ និងថ្ងៃទី៥ ខែតុលា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញសំណេះសំណាលសួរសុខទុក្ខ និងនាំយកអំណោយជាគ្រឿងឧបភោគបរិភោគរបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន,សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី តាមរយៈកំពង់ផែស្វយ័តក្រុងព្រះសីហនុ ឧបត្ថម្ភជូនពលរដ្ឋដែលជួបការខ្វះខាត និងរងគ្រោះដោយជំនន់ទឹកភ្លៀងចំនួន៨៦០គ្រួសារនៅស្រុកបវេល និងក្រុងបាត់ដំបង។

បាត់ដំបង៖នៅថ្ងៃទី៤ ខែតុលា ឆ្នាំ២០២៦ ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបងបានដឹកនាំអាជ្ញាធរក្រុង ស្រុក មន្ទីរអង្គភាពពាក់ព័ន្ធជុំវិញខេត្ត អញ្ជើញសំណេះសំណាល សួរសុខទុក្ខ និងនាំយកអំណោយឧបត្ថម្ភដល់កងកម្លាំងជួរមុខក្នុងភូមិសាស្រ្តខេត្តបាត់ដំបងក្នុងឱកាសបុណ្យភ្ជុំបិណ្ឌ។

បាត់ដំបង៖ប្រជាពលរដ្ឋមានជីវភាពខ្វះខាត និងរងគ្រោះដោយជំនន់ទឹកភ្លៀងចំនួន១ ៣៩៨គ្រួសារបន្ថែមទៀតនៅក្នុងស្រុកចំនួន៤រួមមាន៖ស្រុកមោងឫស្សី ថ្មគោល ឯកភ្នំ និងសង្កែទទួលបានអំណោយជាគ្រឿងឧបភោគបរិភោគជាបន្តបន្ទាប់ពីរដ្ឋបាលខេត្តបាត់ដំបង។

ខេត្តបាត់ដំបង៖ ព្រឹកថ្ងៃសៅរ៍ ទី៣ ខែតុលា ឆ្នាំ២០២៦ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញអមដំណើរ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងថ្នាក់ដឹកនាំ ព្រមទាំងមន្ត្រីបច្ចេកទេស ចុះពិនិត្យ វឌ្ឍនភាពស្ថានភាព និងការដាក់ឱ្យដំណើរការបម្រើសេវាសុខាភិបាលឡើងវិញ នៅមណ្ឌលសុខភាពព្រែកហ្លួង ខេត្តបាត់ដំបង បន្ទាប់ពីរងផលប៉ះពាល់ ដោយសារទឹកជំនន់។

បាត់ដំបង៖ឯកឧត្តម សុខ លូ អភិបាលនៃគណៈអភិបាលខេត្តបាត់ដំបងបានអញ្ជើញជាអធិបតីក្នុងពិធីសំណេះសំណាលក្រុមចលនាសេដ្ឋកិច្ចក្រៅប្រព័ន្ធ (អ្នករត់កង់បី និងម៉ូតូឌុប) ក្នុងខេត្តបាត់ដំបង ប្រមាណ៤៩៣នាក់ដែលពិធីនេះធ្វើឡើងនៅថ្ងៃទី២ ខែតុលា ឆ្នាំ២០២៦ នៅបរិវេណមន្ទីរសាធារណការ និងដឹកជញ្ជូនខេត្តបាត់ដំបង។

បាត់ដំបង៖គម្រោងដំឡើងប្រព័ន្ធអំពូលភ្លើងបំភ្លឺផ្លូវប្រើថាមពលពន្លឺព្រះអាទិត្យតាមបណ្ដោយផ្លូវជាតិលេខ៥ក្នុងភូមិសាស្រ្តខេត្តបាត់ដំបងប្រវែងប្រមាណ១៤០គីឡូម៉ែត្រចាប់ពីព្រំប្រទល់ខេត្តពោធិ៍សាត់ដល់ខេត្តបន្ទាយមានជ័យត្រូវបានបើកការដ្ឋានសាងសង់នៅថ្ងៃទី២ ខែតុលា ឆ្នាំ២០២៦នេះដោយចាប់ផ្ដើមពីស្រុកមោងឫស្សី។

បាត់ដំបង៖ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ដោយមានការអមដំណើរពីលោក នាង ច័ន្ទថារ៉ា អភិបាលស្រុកសង្កែ ព្រមទាំងមន្ត្រីបច្ចេកទេសពាក់ព័ន្ធ បានចុះពិនិត្យស្ថានភាពជាក់ស្ដែងនៃហេដ្ឋារចនាសម្ព័ន្ធផ្លូវក្រាលកៅស៊ូពីរជាន់ (DBST) ចំនួន ២ខ្សែ មានប្រវែងសរុបជាង ២៤គីឡូម៉ែត្រ ស្ថិតក្នុងស្រុកសង្កែ ខេត្តបាត់ដំបង នៅថ្ងៃទី០១ ខែតុលា ឆ្នាំ២០២៦ ក្រោយរងផលប៉ះពាល់យ៉ាងធ្ងន់ធ្ងរពីទឹកជំនន់ភ្លៀង។