ព័ត៌មានតាមបណ្តារខេត្ត

(កំពង់ចាម) ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងជាប្រធានគណៈបញ្ជាការឯកភាពរដ្ឋបាលខេត្ត បានដាក់បទបញ្ជាយ៉ាងម៉ឺងម៉ាត់ដល់អាជ្ញាធរក្រុង-ស្រុក មន្ទីរអប់រំ និងកងកម្លាំងមានសមត្ថកិច្ចគ្រប់លំដាប់ថ្នាក់ ត្រូវតែបន្តចូលរួមសហការ ដើម្បីទប់ស្កាត់ និងបង្ក្រាបរាល់សកម្មភាពក្មេងទំនើងក្នុងមូលដ្ឋាន។

(កំពង់ចាម) ឯកឧត្តម អ៊ុន ចាន់ដា អភិបាលខេត្តកំពង់ចាម បានដាក់បទបញ្ជា ដល់សាខា ក.ប.ប. ខេត្តកំពង់ចាម ត្រូវសហការជាមួយអាជ្ញាធរដែនដី និងសមត្ថកិច្ចពាក់ព័ន្ធ ដើម្បីពង្រឹងការចុះត្រួតពិនិត្យ គុណភាព សុវត្ថិភាពម្ហូបអាហារ និងទប់ស្កាត់ការចរាចរណ៍ទំនិញក្លែងក្លាយ ជាពិសេសគឺប្រភេទសាច់បង្កកខុសច្បាប់ ដែលគ្មានប្រភពច្បាស់លាស់ ដែលកំពុងចរាចរណ៍នៅលើទីផ្សារ។ ថ្លែងបែបនេះនៅក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តកំពង់ចាម នាព្រឹកថ្ងៃទី២២ ខែមិថុនា ឆ្នាំ២០២៦ នៅសាលប្រជុំសាលាខេត្តកំពង់ចាម។

(កំពង់ចាម)នៅព្រឹកថ្ងៃទី២២ ខែមិថុនា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងជាប្រធានគណៈបញ្ជាការឯកភាពរដ្ឋបាលខេត្ត បានអញ្ជើញជាអធិបតីដ៏ខ្ពង់ខ្ពស់ដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តកំពង់ចាម។

ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម អញ្ជើញចូលរួមក្នុងកម្មវិធីបុណ្យទក្ខិណានុប្បទានខួបគម្រប់ ៣ឆ្នាំ និង ១៣ឆ្នាំ ដើម្បីឧទ្ទិសកុសលផលបុណ្យ ជូនដួងវិញ្ញាណក្ខន្ធបាសក ទ្រី វន់ ឧបាសិកា ហ៊ាន ស៊ីលាភ និងទាយក ទ្រី ស៊ីមហ៊ុន ដែលជាប្រជាពលរដ្ឋ នៅភូមិព្រែកគល់ ឃុំល្វេ ស្រុកកោះសូទិន។

(កោះថ្មX16) នៅព្រឹកថ្ងៃអាទិត្យ ទី២១ ខែមិថុនា ឆ្នាំ២០២៦ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាសមាជិកគណៈអចិន្ត្រៃយ៍ស ស.យ.ក ថ្នាក់កណ្ដាល បានអញ្ជើញចូលរួមក្នុងកម្មវិធីចម្រើនព្រះបរិត្ត បង្សុកូល ឧទ្ទិសមគ្គផល ជូនដល់វីរៈយុទ្ធជនស្នេហាជាតិ នៅតំបន់យោធាប្រវត្តិសាស្ត្រតេជោកោះថ្មX16 ក្នុងពិធីយុទ្ធដំណើរដោយថ្មើរជើង10Km មកកាន់តំបន់យោធាប្រវត្តិសាស្តតេជោកោះថ្ម X16 ដើម្បីអបអរសាទរ ខួបលើកទី៤៩ ទិវានៃការចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត “២០ មិថុនា ១៩៧៧-២០ មិថុនា ២០២៦” ក្រោមអធិបតីភាព ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា។

លោក ខេន សុខខៃ ប្រជាពលរដ្ឋរស់នៅក្នុងសង្កាត់បឹងកុក បង្ហាញការពេញចិត្តចំពោះការផ្តល់សេវារបស់អាជ្ញាធរ

នារសៀលថ្ងៃទី២០ ខែមិថុនា ឆ្នាំ២០២៦ នេះ អភិបាលនៃគណៈអភិបាលខេត្តខេត្តកំពង់ចាម ឯកឧត្តម អ៊ុន ចាន់ដា បានដឹកនាំក្រុមការងារអញ្ជើញដើរថ្មើរជើងចម្ងាយ10Km ដើម្បីចូលរួមអបអរសាទរ ខួបលើកទី៤៩ ទិវានៃការចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត “២០ មិថុនា ១៩៧៧-២០ មិថុនា ២០២៦” នៅតំបន់ប្រវត្តិសាស្រ្តតេជោ-កោថ្មX16។

លោកស្រី ផាន ស្រីនិច្ច រស់នៅឃុំគៀនជ្រៃ ស្រុកកំពង់សៀម បានសម្តែងការអរគុណដល់រាជរដ្ឋាភិបាល និងអាជ្ញាធរពាក់ព័ន្ធដែលគិតគូរពីសុខភាពជូនរបស់ប្រជាពលរដ្ឋ។ សូមអញ្ជើញទស្សនាបទសម្ភាសន៍ខាងក្រោម៖

(កំពង់ចាម) នាព្រឹកថ្ងៃទី២០ ខែមិថុនា ឆ្នាំ២០២៦ នេះ នៅទីស្នាក់ការគណបក្សប្រជាជនកម្ពុជាក្រុងកំពង់ចាម បានរៀបចំកិច្ចប្រជុំផ្សព្វផ្សាយសេចក្តីសម្រេចស្តីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាសង្កាត់ អាណត្តិទី៦ ឆ្នាំ២០២៧ របស់ក្រុមការងារចុះជួយក្រុងកំពង់ចាម។

លោក ធាង ម៉េងលាង នៅឃុំរំចេក ស្រុកកំពង់សៀម បានផ្លាស់ប្ដូរមុខរបបពីលក់ដូរនៅផ្សារ មកដាំជីវិញ ដើម្បីបង្កើនប្រាក់ចំណូលក្នុងគ្រួសារ

សូមអញ្ជើញទស្សនាបទសម្ភាសន៍របស់លោក ខ្ចង អូន ចៅសង្កាត់បឹងកុក ចំពោះការប្តេជ្ញាចិត្តយ៉ាងមុតមាំ ក្នុងការពង្រឹងសន្តិសុខ និងសណ្តាប់ធ្នាប់ក្នុងមូលដ្ឋានជូនប្រជាពលរដ្ឋ ខាងក្រោម៖

ដោយអនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម នៅថ្ងៃព្រហស្បតិ៍ ទី១៨ ខែមិថុនា ឆ្នាំ២០២៦នេះ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម និងសហការី បានអញ្ជើញចុះត្រួតពិនិត្យ និងសំណេះសំណាល ជាមួយកងកម្លាំង ប៉ុស្តិ៍នគរបាលរដ្ឋបាល នៃអធិការដ្ឋាននគរបាលស្រុកចំនួន ៦ មានស្រុកស្ទឹងត្រង់ ស្រុកចំការលើ ស្រុកជើងព្រៃ ស្រុកបាធាយ ស្រុកព្រៃឈរ និងស្រុកកំពង់សៀម និងបន្ដចុះត្រួតពិនិត្យនៅគ្រប់ប៉ុស្តិ៍នគរបាលរដ្ឋបាល ឃុំ/សង្កាត់ ទាំង១០៩ ។