ព័ត៌មានតាមបណ្តារខេត្ត

(កំពង់ចាម) ក្រុមការងារចម្រុះតំណាង ក្រសួងសាធារណការ និងដឹកជញ្ជូន ដឹកនាំដោយ ឯកឧត្តម លឹម ស៊ីដេនីន រដ្ឋលេខាធិការ និង រដ្ឋបាលខេត្តកំពង់ចាម ដឹកនាំដោយ ឯកឧត្តម អ៊ុន ចាន់ដា អភិបាលខេត្ត បានអញ្ជើញចុះពិនិត្យទីតាំងផ្ទាល់ ដើម្បីត្រៀមរៀបចំពិធីសម្ពោធដាក់ឱ្យប្រើប្រាស់ជាផ្លូវការ នូវគម្រោងពង្រីក និងលើកកម្រិតគុណភាពកំណាត់ផ្លូវជាតិលេខ៧ ពីរង្វង់មូលស្គន់ ដល់ក្រុងកំពង់ចាម។

នាឱកាសអញ្ជើញ តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ក្នុងកិច្ចប្រជុំក្រុមការងារបច្ចេកទេសចម្រុះវិស័យអប់រំខេត្តកំពង់ចាម នាព្រឹកថ្ងៃទី២៦ ខែមិថុនា ឆ្នាំ២០២៦នេះ លោក ឃន ប្រុស អភិបាលរងខេត្ត បានផ្តល់អនុសាសន៍សំខាន់ៗចំនួន ៣ ក្នុងការលើកកម្ពស់សុវត្ថិភាព និងសុខុមាលភាពចំណីអាហារ និងទប់ស្កាត់អំពើក្មេងទំនើងទាំងក្នុង និងក្រៅបរិវេណសាលារៀន ឱ្យទទួលបានប្រសិទ្ធភាពខ្ពស់។

រដ្ឋបាលខេត្តកំពង់ឆ្នាំង ប្រជុំវាយតម្លៃគុណភាពសេវាការអនុវត្តមុខងារដែលបានប្រគល់មកឱ្យរដ្ឋបាលខេត្ត ក្នុងការគ្រប់គ្រងមណ្ឌលថែទាំកុមារ

សម្តេចធិបតី ហ៊ុន ម៉ាណែត ណែនាំអាជ្ញាធរត្រួតពិនិត្យ និងគ្រប់គ្រងឱ្យបាន ចំពោះទំនិញគេចពន្ធ និងទំនិញខូចគុណភាព

ខេត្តកំពង់ឆ្នាំង ពង្រឹងយន្តការធានានិរន្តរភាពកម្មវិធីអាហារូបត្ថម្ភសម្រាប់ស្ត្រីនិងកុមារ

លោកជំទាវ ទុយ សិរីរតនៈ អញ្ជើញចុះសួរសុខទុក្ខអតីតមន្ត្រីរាជការចូលនិវត្តន៍នៃក្រសួងព័ត៌មាន ចំនួន ៣រូប

សម្តេចតេជោ ហ៊ុន សែន និងឯកឧត្តម ស៊ី ជីនពីង ជួបពិភាក្សាគ្នាបន្ថែមទៀតទៅលើការពង្រីកនូវកិច្ចសហប្រតិបត្តិការ ទាំងក្របខណ្ឌសេដ្ឋកិច្ច និងក្របខណ្ឌនៃការកសាងហេដ្ឋារចនាសម្ព័ន្ធ

សមត្ថកិច្ចខណ្ឌរដ្ឋបាលជលផលកំពង់ចាម នៅថ្ងៃទី២៥ ខែមិថុនា ឆ្នាំ២០២៦ បានសហការជាមួយមន្ត្រីពាក់ព័ន្ធចេញប្រតិបត្តិការបង្ក្រាបបទល្មើសនេសាទមួយករណី ក្នុងភូមិសាស្ត្រស្រុកកងមាស ខេត្តកំពង់ចាម។

ព្រឹកថ្ងៃទី២៦ ខែមិថុនា ឆ្នាំ២០២៦ លោក សួន ហ៊ីម ប្រធានក្រុមប្រឹក្សាស្រុកសាលាក្រៅ បានរៀបចំវេទិកាផ្សព្វផ្សាយ និង ពិគ្រោះយោបល់របស់ក្រុមប្រឹក្សាស្រុកសាលាក្រៅ សម្រាប់អណត្តិទី៤ ឆ្នាំទី៣ នៅបរិវេណវត្តសាមគ្គីគីរីសំរិទ្ធ (ហៅវត្តសាលាក្រៅ) ដោយមានការចូលរួម អាជ្ញាធរមូលដ្ឋាន មន្រ្តីជំនាញ និងបងប្អូនប្រជាពលរដ្ឋ សរុប ៣៣៥នាក់។ វេទិកាផ្សព្វផ្សាយនេះធ្វើឡើង ដើម្បីផ្សព្វផ្សាយពីសមិទ្ធិផលនានាដែលរដ្ឋបាលស្រុកសម្រេចបាន និងការស្តាប់នូវកង្វល់ និងសំណូមពរនានារបស់ប្រជាពលរដ្ឋ សំរាប់ដាក់ចេញនូវផែនការឆ្នាំបន្ទាប់ និងជំរុញការដោះស្រាយសំណូមពរនានារបស់ប្រជាពលរដ្ឋអោយបានល្អប្រសើ។ វេទិកាធ្វើឡើងដោយមានតំណាងរដ្ឋបាលស្រុកសាលាក្រៅអាននូវរបាយការណ៍ ស្តីពី សមិទ្ធិផលនានា ដែលរដ្ឋបាលស្រុកសាលាក្រៅសម្រេចបាន និងការអនុញ្ញាតិអោយមានប្រជាពលរដ្ឋលើកឡើងពីសំណូមពរ និងកង្វល់របស់ខ្លួន ព្រមទាំងមានមន្រ្តីជំនាញធ្វើការឆ្លើយតប និង ពន្យល់ពីកង្វល់ និងសំណូមពរ ជូនដល់ប្រជាពលរដ្ឋ។

នាយកសាលាវិទ្យាល័យ ហ៊ុន សែន កងតាណឹង ស្រុកកងមាស ខេត្តកំពង់ចាម បង្ហាញអារម្មណ៍រីករាយ នៅពេលក្រសួងអធិការកិច្ច ចុះផ្សព្វផ្សាយច្បាប់ស្តីពីការត្រួតពិនិត្យគ្រឿងញៀន

ព្រឹកថ្ងៃទី ២៣ ខែមិថុនា ឆ្នាំ២០២៦ ឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃតំណាងដ៏ខ្ពង់ខ្ពស់ឯកឧត្តមអភិសន្តិ ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អមដំណើរដោយលោកជំទាវបណ្ឌិត បាន ស្រីមុំ អភិបាលខេត្តប៉ៃលិន បានអញ្ជើញចុះពិនិត្យមើលដោយផ្ទាល់នឹងភ្នែក នូវការផ្តល់សេវាសាធារណៈនានា នៅអង្គភាពភាពច្រក ចេញ-ចូល តែមួយ នៃរដ្ឋបាលខេត្តប៉ៃលិន ដើម្បីស្វែងយល់កាន់តែច្បាស់ពីរបៀបរបប នៃការអនុវត្តការងារនៅក្នុងអង្គភាព និងការជំរុញលើកទឹកចិត្តដល់មន្រ្តីជំនាញ អោយអនុវត្តការងារកាន់តែមានប្រសិទ្ទភាព។

ភ្នំពេញ៖ ឯកឧត្តម កឹម គុណវឌ្ឍន៍ រដ្ឋលេខាធិការក្រសួងព័ត៌មាន បានផ្តល់ការណែនាំដោយផ្ទាល់ ដល់អ្នកគ្រប់គ្រងគេហទំព័រតាមបណ្តាមន្ទីរព័ត៌មានរាជធានី-ខេត្តទាំងអស់ ឱ្យបង្កើនការយកចិត្តទុកដាក់ខ្ពស់ លើចំណុចសំខាន់ពីរ គឺរូបភាព និងខ្លឹមសារអត្ថបទ ដើម្បីបង្កើនភាពទាក់ទាញ និងមានប្រយោជន៍ដល់សាធារណជន។ ការណែនាំនេះធ្វើឡើងនៅថ្ងៃទី២៤ ខែមិថុនា ឆ្នាំ២០២៦ នេះ នៅក្នុងពិធីបិទវគ្គបណ្ដុះបណ្ដាលស្ដីពី «ការសរសេរព័ត៌មានតាមគេហទំព័រ» នៅសាលមណ្ឌលបណ្ដុះបណ្ដាល និងវិក្រិតការវិជ្ជាជីវៈសារព័ត៌មាន នៃទីស្តីការក្រសួងព័ត៌មាន។