ព័ត៌មានតាមបណ្តារខេត្ត
ទាំងអស់មន្ទីរព័ត៌មានខេត្តកណ្តាលមន្ទីរព័ត៌មានខេត្តកំពង់ចាមមន្ទីរព័ត៌មានខេត្តកំពង់ឆ្នាំងមន្ទីរព័ត៌មានខេត្តកំពង់ស្ពឺមន្ទីរព័ត៌មានខេត្តកំពតមន្ទីរព័ត៌មានខេត្តកោះកុងមន្ទីរព័ត៌មានខេត្តបន្ទាយមានជ័យមន្ទីរព័ត៌មានខេត្តបាត់ដំបងមន្ទីរព័ត៌មានខេត្តប៉ៃលិនមន្ទីរព័ត៌មានខេត្តពោធិ៍សាត់មន្ទីរព័ត៌មានខេត្តព្រៃវែងមន្ទីរព័ត៌មានខេត្តព្រះវិហារមន្ទីរព័ត៌មានខេត្តព្រះសីហនុមន្ទីរព័ត៌មានខេត្តមណ្ឌលគិរីមន្ទីរព័ត៌មានខេត្តរតនគិរីមន្ទីរព័ត៌មានខេត្តសៀមរាបមន្ទីរព័ត៌មានខេត្តស្ទឹងត្រែងមន្ទីរព័ត៌មានខេត្តឧត្តរមានជ័យមន្ទីរព័ត៌មានរាជធានីភ្នំពេញ
អប់រំ និងកីឡា
អ្នកនាំពាក្យក្រសួងព័ត៌មាន៖ ការបន្សាបព័ត៌មានក្លែងក្លាយទាន់ពេលវេលាក្នុងសង្គមឌីជីថល គឺការចែករំលែកព័ត៌មានពិត និងប្រកបដោយការទទួលខុសត្រូវ
ខេត្តកំពង់ឆ្នាំង៖ ក្រសួងព័ត៌មានបានបន្តបេសកកម្មយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ នៅវិទ្យាល័យមិត្តភាពខ្មែរ-ជប៉ុន សាមគ្គីមានជ័យ ដោយផ្តោតលើការបន្សាបព័ត៌មានក្លែងក្លាយទាន់ពេលវេលា។ នាព្រឹកថ្ងៃទី២០ ខែសីហា ឆ្នាំ២០២៦ ក្រុមការងារយុទ្ធនាការដឹកនាំដោយ ឯកឧត្តម ទេព អស្នារិទ្ធ អនុរដ្ឋលេខាធិការ និងជាប្រធានលេខាធិការដ្ឋាននៃក្រុមការងាររៀបចំយុទ្ធនាការក្រសួងព័ត៌មាន បានបន្តចុះអប់រំ និងផ្សព្វផ្សាយផ្ទាល់ដល់សិស្សានុសិស្សអំពីសារៈសំខាន់នៃការបន្សាបព័ត៌មានក្លែងក្លាយទាន់ពេលវេលា តាមរយៈការផ្សាយ និងចែករំលែកព័ត៌មានពិត មានប្រភពច្បាស់លាស់ដែលជាកាតាលីករដ៏ចាំបាច់មួយក្នុងការរួមចំណែកលុបបំបាត់ការផ្សាយបែបបំពុល និងព័ត៌មានក្លែងក្លាយ ព្រមទាំងចូលរួមលើកកម្ពស់សន្តិសុខព័ត៌មាន និងសុវត្ថិភាពសង្គមឌីជីថល។
ការអភិវឌ្ឍ
អាជ្ញាធរស្រុកសាលាក្រៅ ចុះពិនិត្យគម្រោងសាងសង់ផ្លូវបេតុង និងរៀបចំប្រព័ន្ធរំដោះទឹក ដើម្បីការពារការលិចលង់ក្នុងរដូវវស្សា
ប៉ៃលិន៖ លោក សៀ សុខុម អភិបាល នៃគណៈអភិបាលស្រុកសាលាក្រៅ ព្រមទាំងមន្ត្រីរាជការ នៃរដ្ឋបាលស្រុក បានអញ្ជើញចុះពិនិត្យដោយផ្ទាល់នូវដំណើរការគម្រោងសាងសង់ផ្លូវបេតុងអាមេចំនួន ១ខ្សែ ស្ថិតនៅក្នុងឃុំស្ទឹងកាច់ ស្រុកសាលាក្រៅ ខេត្តប៉ៃលិន នារសៀលថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦។ ការចុះពិនិត្យនេះ ធ្វើឡើងក្នុងគោលបំណងតាមដានការងារបច្ចេកទេស និងពន្លឿនការដ្ឋានឱ្យសម្រេចបានតាមផែនការកំណត់។
សកម្មភាពថ្នាក់ដឹកនាំ
លោកជំទាវ ទុយ សិរីរតនៈ នេត្រភក្ត្រា ចុះសួរសុខទុក្ខ និងនាំអំណោយប្រគល់ជូននិវត្តជនអតីតមន្ត្រីរាជការបម្រើការងារនៅក្រសួងព័ត៌មានចំនួន ៣រូប
(ភ្នំពេញ)៖ លោកជំទាវ ទុយ សិរីរតនៈ នេត្រភក្ត្រា ប្រធានកិត្តិយសសាខាសមាគមនារីកម្ពុជា ដើម្បីសន្តិភាព និងការអភិវឌ្ឍ ក្រសួងព័ត៌មាន តំណាងឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជាវិស័យព័ត៌មាន (អ.ន.ក វិស័យព័ត៌មាន) នៅថ្ងៃទី២០ ខែសីហា ឆ្នាំ២០២៦នេះ បានអញ្ជើញចុះសួរសុខទុក្ខនិវត្តជនដែលជាអតីតមន្ត្រីរាជការបម្រើការងារនៅក្រសួងព័ត៌មាន ចំនួន ៣រូប។
ពាណិជ្ជកម្ម
មជ្ឈមណ្ឌលបណ្តុះធុរកិច្ចថ្មី (តេជោ) សហការជាមួយរដ្ឋបាលខេត្តកំពង់ចាម រៀបចំវគ្គ «តោះ! ចាប់យកឌីជីថល»
កំពង់ចាម៖ នាព្រឹកថ្ងៃទី២០ ខែសីហា ឆ្នាំ២០២៦ មជ្ឈមណ្ឌលបណ្តុះធុរកិច្ចថ្មី (តេជោ) នៃក្រសួងសេដ្ឋកិច្ច និងហិរញ្ញវត្ថុ សហការជាមួយរដ្ឋបាលខេត្តកំពង់ចាម បានរៀបចំវគ្គចាប់យកឌីជីថល ស្តីពី «តោះ! ចាប់យកឌីជីថល» ក្នុងគោលបំណងផ្សព្វផ្សាយ និងលើកកម្ពស់ការយល់ដឹងរបស់សហគ្រាសអំពីការធ្វើបរិវត្តកម្មឌីជីថល ព្រមទាំងជំរុញការប្រើប្រាស់ដំណោះស្រាយឌីជីថល ដើម្បីបង្កើនប្រសិទ្ធភាព និងសមត្ថភាពប្រកួតប្រជែងរបស់អាជីវកម្ម។
សកម្មភាពថ្នាក់ដឹកនាំ
ឯកឧត្តម អ៊ុន ចាន់ដា អញ្ជើញនាំអំណោយរបស់សម្ដេចកិតិ្តព្រឹទ្ធបណ្ឌិត ប្រធានកាកបាទក្រហមកម្ពុជា ជូនពលរដ្ឋរងផលប៉ះពាល់ដោយខ្យល់កន្ត្រាក់ ៥៤ គ្រួសារ នៅ ៣ឃុំ ក្នុងស្រុកបាធាយ
ក្នុងឱកាស បំពេញបេសកកម្មការងារ នៅស្រុកបាធាយ នាព្រឹកថ្ងៃព្រហស្បតិ៍ ទី ២០ ខែសីហា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការសាខា និងលោកជំទាវ អមដំណើរ ដោយ ឯកឧត្តម លោកជំទាវ លោក លោកស្រី ជាអនុប្រធាន និងជាសមាជិក សមាជិកា គណៈកម្មាធិការសាខា ព្រមទាំង ឯកឧត្តមនាយកសាខា លោក អូត ឈាងលី ប្រធានអនុសាខាស្រុក ក្រុមកាកបាទក្រហមកម្ពុជាឃុំ និងអ្នកស្ម័គ្រចិត្តភូមិ បានអញ្ជើញចុះជួបសំណេះសំណាលសួរសុខទុក្ខ និងនាំយកអំណោយមនុស្សធម៌របស់សម្ដេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ជូនប្រជាពលរដ្ឋរងផលប៉ះពាល់ដោយខ្យល់កន្ត្រាក់ សរុប ៥៤គ្រួសារ មកពី ៦ ភូមិ នៃ ៤ឃុំ ក្នុង ស្រុកបាធាយ ។
សកម្មភាពអាជ្ញាធរ
អាជ្ញាធរក្រុងកំពង់ចាម បន្តចុះរៀបចំសណ្តាប់ធ្នាប់សាធារណៈ នៅគោលដៅ ផ្សារបឹងកុក
នៅថ្ងៃទី ២០ ខែសីហា ឆ្នាំ ២០២៦ នេះ កម្លាំងការិយាល័យនគរបាលសណ្តាប់ធ្នាប់ របស់ស្នងការដ្ឋាននគរបាលខេត្តកំពង់ចាម បានសហការជាមួយអាជ្ញាធរក្រុងកំពង់ចាម បន្តចុះរៀបចំសណ្ដាប់ធ្នាប់ និងផ្សព្វផ្សាយ ដល់អាជីវករលក់ដូរ នៅគោលដៅផ្សារបឹងកុក ក្នុងក្រុងកំពង់ចាម ។
សកម្មភាពថ្នាក់ដឹកនាំ
កិច្ចប្រជុំលើកទី៥ នៃគណៈកម្មការសម្របសម្រួលសម្រួលខេត្ត នៃកម្មវិធី ACCESS 2
នាព្រឹកថ្ងៃ២០ ខែសីហា ឆ្នាំ២០២៥ លោកស្រីង៉ោក ចរិយា នាយិការងរដ្ឋបាលសាលាខេត្តតំណាងដ៏ខ្ពង់ខ្ពស់ លោកស្រី ប៉ាង ដានី អភិបាលរងខេត្តកំពង់ចាម និងលោកស្រី សូហ្វាយអឺ ខេសុន ប្រធានកម្មវិធី ACCESS 2 បានអញ្ជើញចូលរួមក្នុងកិច្ចប្រជុំលើកទី៥ នៃគណៈកម្មការសម្របសម្រួលសម្រួលខេត្ត នៃកម្មវិធី ACCESS 2 នៅសាលប្រជុំសាលាខេត្ត។
ការអភិវឌ្ឍ
ប្រជាពលរដ្ឋរស់នៅស្រុកសំពៅលូន និងស្រុកសំឡូត បានទទួលវគ្គផ្សព្វផ្សាយ ស្តីពីហានិភ័យនៃយុទ្ធភណ្ឌមិនទាន់ផ្ទុះ ឥរិយាបថសុវត្ថិភាព និងការធ្វើចំណាកស្រុកប្រកបដោយសុវត្ថិភាព
បាត់ដំបង៖ ដោយមានការយកចិត្តទុកដាក់ពី ឯកឧត្តម សុខ លូ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង នៅថ្ងៃទី១៨-១៩ ខែសីហា ឆ្នាំ២០២៦ មន្ត្រីប្រតិបត្តិសាខាខេត្ត សហការជាមួយអនុសាខាកាកបាទក្រហមកម្ពុជាស្រុកគោលដៅចំនួន២ ស្រុកសំពៅលូន និងស្រុកសំឡូត ដឹកនាំអ្នកស្ម័គ្រចិត្តបន្តចុះផ្សព្វផ្សាយ ស្តីពីហានិភ័យនៃយុទ្ធភណ្ឌមិនទាន់ផ្ទុះ ឥរិយាបថសុវត្ថិភាព ការធ្វើចំណាកស្រុកប្រកបដោយសុវត្ថិភាព និងសហគមន៍មានសុខភាពល្អ ជូនដល់ប្រជាពលរដ្ឋមករស់នៅភូមិទឹកថ្លា ឃុំអង្គរបាន ស្រុកសំពៅលូន និងភូមិតាសាញជើង ឃុំតាសាញ ស្រុកសំឡូត ខេត្តបាត់ដំបង។
ការអភិវឌ្ឍ
អាជ្ញាធរខេត្តកំពង់ចាម បើកវេទិកាសាធារណៈដោះស្រាយបញ្ហាដីចំណីអូរ ព្រែក និងទន្លេខ្ពប ជូនប្រជាពលរដ្ឋ ២៣៤គ្រួសារ ក្នុងស្រុកស្រីសន្ធរ
(កំពង់ចាម)៖ រដ្ឋបាលខេត្តកំពង់ចាម បានរៀបចំវេទិកាសាធារណៈជាមួយប្រជាពលរដ្ឋ ដែលកំពុងរស់នៅ និងអាស្រ័យផលលើដីចំណីអូរ ព្រែក និងទន្លេខ្ពប ដែលជាដីសាធារណៈរបស់រដ្ឋ សរុបចំនួន ២៣៦ក្បាលដី ស្មើនឹង ២៣៤គ្រួសារ ស្ថិតក្នុងភូមិចំនួន៣ នៃឃុំស្វាយសាច់ភ្នំ ស្រុកស្រីសន្ធរ។
ពាណិជ្ជកម្ម
អាជីវករ ១៥ រូបនៅស្រុកបវេល ទទួលបានការលើកសរសើរ និងប្រគល់ស្លាកសញ្ញា ក្រោយស្ម័គ្រចិត្ត «មិនលក់គ្រឿងស្រវឹង និងបារី» ឱ្យកុមារ និងសិស្សសាលា
ខេត្តបាត់ដំបង៖ ដើម្បីចូលរួមការពារអនាគត និងសុខុមាលភាពកុមារនៅក្នុងសហគមន៍ អាជីវករ ១៥ រូប ស្ថិតនៅជុំវិញសាលារៀនគោលដៅក្នុងស្រុកបវេល បានស្ម័គ្រចិត្តចូលរួមក្នុងយុទ្ធនាការ «មិនលក់គ្រឿងស្រវឹង និងបារីឱ្យសិស្សានុសិស្ស ឬកុមារដែលមានអាយុក្រោម ១៨ ឆ្នាំ»។ ពួកគេបានទទួលស្លាកសញ្ញាបញ្ជាក់ និងការលើកទឹកចិត្តយ៉ាងកក់ក្តៅពីអាជ្ញាធរដែនដី។
សុខាភិបាល
ពង្រឹងសមត្ថភាពមន្ត្រីសុខាភិបាលថ្នាក់មូលដ្ឋាន ក្នុងការស្រាវជ្រាវរកជំងឺមហារីកមាត់ស្បូន ដោយប្រើតេស្ត HPV ក្នុងស្រុកសង្កែ
ពង្រឹងសមត្ថភាពមន្ត្រីសុខាភិបាលថ្នាក់មូលដ្ឋាន ក្នុងការស្រាវជ្រាវរកជំងឺមហារីកមាត់ស្បូន ដោយប្រើតេស្ត HPV ក្នុងស្រុកសង្កែ
សន្តិសុខសង្គម
ជនសង្ស័យពាក់ព័ន្ធជួញដូរគ្រឿងញៀន ត្រូវបញ្ជូនទៅតុលាការខេត្តបាត់ដំបង រួមជាមួយវត្ថុតាង
បាត់ដំបង៖ កម្លាំងអាវុធហត្ថខេត្តបាត់ដំបង បានបញ្ជូនជនសង្ស័យជួញដូរគ្រឿងញៀនឈ្មោះ អ៊ុង ចំរើន ភេទប្រុស អាយុ ៤៣ ឆ្នាំ ទៅដល់តុលាការខេត្តបាត់ដំបង នាថ្ងៃទី ១៩ ខែសីហា ឆ្នាំ ២០២៦ ក្រោយពេលសមត្ថកិច្ចបានស្រាវជ្រាវជាយូរមក ហើយទើបឃាត់ខ្លួនបាន រួមជាមួយវត្ថុតាងគ្រឿងញៀនជាង ៣០០ ក្រាម។
សុខាភិបាល
រដ្ឋមន្ត្រីក្រសួងសុខាភិបាល ៖ ភាពជាអ្នកដឹកនាំក្នុងស្ថានភាពមិនប្រាកដប្រជា មេដឹកនាំត្រូវក្លាយជា «ស្ពាន» សម្រាប់ក្រុមការងារ
បាត់ដំបង ៖ រដ្ឋមន្ត្រីក្រសួងសុខាភិបាល ឯកឧត្តមសាស្ត្រាចារ្យ ឈាង រ៉ា បានបញ្ជាក់ថា នៅក្នុងស្ថានភាពលំបាក ឬមិនប្រាកដប្រជា មេដឹកនាំត្រូវបម្លែងខ្លួនឱ្យក្លាយទៅជាស្ពាន សម្រាប់គាំទ្រក្រុមការងារ ឱ្យជម្នះបាននូវឧបសគ្គទាំងនោះ ។
ការថ្លែងនេះបានធ្វើឡើងនារសៀលថ្ងៃទី១៨ ខែសីហា ឆ្នាំ២០២៦ ក្នុងឱកាសដែលឯកឧត្តមសាស្ត្រាចារ្យរដ្ឋមន្ត្រី បានដឹកនាំវគ្គបណ្តុះបណ្តាល ភាពជាអ្នកដឹកនាំ និងនវានុវត្តន៍ លើកទី១២៨ ដោយមានមន្ត្រីសុខាភិបាលគ្រប់លំដាប់ថ្នាក់ចំនួន ២,៨០៣នាក់ ចូលរួមតាមប្រព័ន្ធវីដេអូសន្និសីទ (Zoom) ។