រដ្ឋបាលខណ្ឌដង្កោ កំពុងបន្តស្តារប្រឡាយចំនួន ៣ ខ្សែ ដើម្បីត្រៀមរំដោះទឹកភ្លៀង និងកាត់បន្ថយការជន់លិចក្នុងរដូវវស្សា ក្រោមការណែនាំរបស់ឯកឧត្តម ឃួង ស្រេង អភិបាលរាជធានីភ្នំពេញ។ ក្នុងនោះ ប្រឡាយជប៉ុន (MCC) ស្តាររួចរាល់ ខណៈប្រឡាយម័រ និងប្រឡាយព្រំប្រទល់សង្កាត់ព្រែកកំពឹស កំពុងបន្តអនុវត្ត។ អាជ្ញាធរបានអំពាវនាវឱ្យប្រជាពលរដ្ឋចូលរួមថែរក្សាប្រឡាយ និងទុកដាក់សំរាមឱ្យបានត្រឹមត្រូវ ដើម្បីរក្សាបរិស្ថាន និងបង្ការការលិចលង់។ ប្រជាពលរដ្ឋក៏បានសម្តែងការគាំទ្រ ដោយលើកឡើងថា ការស្តារប្រឡាយជួយឱ្យទឹកហូរបានលឿន កាត់បន្ថយការជន់លិច និងកាត់បន្ថយជម្រកមូសផងដែរ

រដ្ឋបាលខណ្ឌ៧មករា  រួមជាមួយមន្រ្តីជំនាញសូរិយោដីរាជធានីភ្នំពេញ បន្តជំរុញការងារ ចុះបញ្ជីដីធ្លីមានលក្ខណៈជា ប្រព័ន្ធជូនដល់ប្រជាពលរដ្ឋ នៅមូលដ្ឋានខណ្ឌ៧មករា ជាខណ្ឌក្រោយគេក្នុងចំណោមទាំង១៤ខណ្ឌ ក្នុងភូមិសាស្រ្តរាជធានីភ្នំពេញដើម្បីធានាបាននូវសិទ្ធិធ្វើជាម្ចាស់កាន់កាប់ដីធ្លីស្របច្បាប់ ជូនពលរដ្ឋ។

រដ្ឋបាលខណ្ឌដង្កោនាថ្ងៃទី០២កក្កដានេះបាននិងកំពុងខិតខំស្តារប្រឡាយចំនួន៣ខ្សែនៅក្នុងមូលដ្ឋានរបស់ខ្លួន ដើម្បីត្រៀមនាំទឹកចេញពីភូមិដ្ឋានប្រជាពលរដ្ឋ នៅក្នុងរដូវវស្សានេះ។ ការងារនេះធ្វើឡើងក្រោមការយកចិត្តទុកដាក់ និងការណែនាំពីឯកឧត្ដមឃួង ស្រេង អភិបាល នៃគណៈអភិបាលរាជធានីភ្នំពេញ ក្នុងផែនការត្រៀមរំដោះជំនន់ទឹកភ្លៀងបញ្ចៀសការជន់លិចផ្ទះសម្បែង និងហេដ្ឋារចនាសម្ព័ន្ធនានាក្នុងរដូវវស្សា។