បន្ទាយមានជ័យ៖ នាព្រឹកថ្ងៃទី២១ ខែសីហា ឆ្នាំ២០២៦ លោក ឈូ ប៊ុនរឿង ប្រធានមន្ទីរអប់រំ យុវជន និងកីឡាខេត្តបន្ទាយមានជ័យ បានអញ្ជើញចូលរួមក្នុងកម្មវិធីទស្សនកិច្ចសិក្សា ដើម្បីផ្លាស់ប្តូរបទពិសោធន៍ និងឧត្តមានុវត្តន៍ របស់គ្រូបង្គោល និងនាយក នាយិកាសាលារៀនគោលដៅ នៃលេខាធិការដ្ឋាន គ.វ.អ. តំបន់៤ ដែលរៀបចំឡើងនៅសាលាបឋមសិក្សារហាត់ទឹក ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ។

បន្ទាយមានជ័យ៖ នាព្រឹកថ្ងៃទី១៧ ខែសីហា ឆ្នាំ២០២៦ នៅភូមិរងចាំ ឃុំស្លក្រាម ស្រុកស្វាយចេក ខេត្តបន្ទាយមានជ័យ លោក ឈូ ប៊ូនរឿង ប្រធានមន្ទីរអប់រំ យុវជន និងកីឡាខេត្ត បានដឹកនាំសហការីនៃមន្ទីរអប់រំ និងគណៈគ្រប់គ្រង ព្រមទាំងលោកគ្រូ អ្នកគ្រូ ចុះប្រជុំ និងត្រួតពិនិត្យទីតាំងរោងចម្អិនអាហារសម្រាប់សិស្សានុសិស្ស ព្រមទាំងបរិស្ថានជុំវិញសាលារៀន ស្ថិតក្នុងមណ្ឌលភៀសសឹកភូមិរងចាំ ឃុំស្លក្រាម ស្រុកស្វាយចេក។

ភ្នំពេញ ថ្ងៃទី១៤ ខែសីហា ឆ្នាំ២០២៦-- ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងជាប្រធានក្រុមប្រឹក្សាទីភ្នាក់ងារកម្ពុជាប្រឆាំងដូប៉ា (ទ.ក.ប.ដ) បានគូសបញ្ជាក់ពីគោលជំហររបស់រាជរដ្ឋាភិបាលកម្ពុជា ក្នុងការចូលរួមអនុវត្តក្រមថ្មី២០២៧ របស់ WADA ឱ្យបានគត់មត់ និងការបន្តពង្រឹងការអប់រំកាយ និងកីឡា បង្កើតនូវប្រព័ន្ធអេកូឡូស៊ីសុចរិតភាពកីឡាសកល ដោយបន្តប្ដេជ្ញាចិត្តយ៉ាងមុតមាំចំពោះកិច្ចខិតខំប្រឹងប្រែងប្រឆាំងសារធាតុហាមឃាត់ ដូចដែលបានណែនាំដោយស្ថាប័នប្រឆាំងសារធាតុហាមឃាត់ពាក់ព័ន្ធ ឆ្ពោះទៅការប្រកួតកីឡាស្អាតស្អំ និងលេងដោយស្មោះត្រង់ (Fair Play)។

នៅវេលាម៉ោង ៥:៣០នាទីព្រឹក ថ្ងៃទី១២ ខែសីហា ឆ្នាំ២០២៦ លោក ឈូ ប៊ុនរឿង ប្រធានមន្ទីរអប់រំ យុវជន និងកីឡាខេត្តបន្ទាយមានជ័យ បានដឹកនាំ និងនាំយក សំណុំកិច្ចការប្រឡងចំនួន ៤៣ហឹប ចេញពីសាលាខេត្តបន្ទាយមានជ័យ ឆ្ពោះទៅកាន់ វិទ្យាល័យព្រះស៊ីសុវត្ថិ ដើម្បីបម្រើដល់ដំណើរការប្រឡងនាពេលខាងមុខ។

(ភ្នំពេញ)៖ ក្រសួងអប់រំ យុវជន និងកីឡា នៅល្ងាចថ្ងៃទី១១ ខែសីហា ឆ្នាំ២០២៦ បានបញ្ជាក់ថា ដំណើរការសំណេរការប្រឡងសញ្ញាបត្រមធ្យមសិក្សាទុតិយភូមិ បានប្រព្រឹត្តទៅរយៈពេលពីរថ្ងៃ គឺថ្ងៃទី ១០-១១ ខែសីហា ឆ្នាំ២០២៦ បានប្រព្រឹត្តទៅដោយរលូនល្អ មិនមានបាតុភាពមិនប្រក្រតីណាមួយគួរឲ្យកត់សម្គាល់ឡើយ។

ការឱបក្រសោបគ្នាដោយក្តីស្រឡាញ់នៅមុខមណ្ឌលប្រឡង គឺជាកម្លាំងចិត្តដ៏ធំធេងសម្រាប់បេក្ខជនទាំងអស់ក្នុងការបន្តដំណើរទៅមុខទៀត។