ប្រជាពលរដ្ឋនៅស្រុកកំពង់ត្រាចបានលើកឡើងថា ការបង្កើតយន្តការច្រកចេញចូលតែមួយនៅថ្នាក់ស្រុក ជាការបង្ខិតសេវាកាន់តែកៀកកិត ងាយស្រួល លឿនរហ័ស មិនស្មុគស្មាញ ដោយការស្នើសុំ និងមកទទួលសេវានូវហ្នឹងកន្លែងតែមួយ។

កំពត៖ នៅថ្ងៃទី២៤ ខែសីហា ឆ្នាំ២០២៦ ក្រុមការងារការិយាល័យប្រជាពលរដ្ឋខេត្តកំពត បានចុះបំពេញបេសកកម្មបើកប្រអប់សំបុត្របញ្ចេញមតិ និងបណ្តឹងតវ៉ានៅតាមបណ្តាស្រុកគោលដៅចំនួន ៦ ក្នុងខេត្តកំពត ស្របតាមប្រតិទិនការងារប្រចាំខែ ដើម្បីត្រួតពិនិត្យ រៀបចំ និងប្រមូលរាល់សំណើ បណ្តឹង ឬការបញ្ចេញមតិនានារបស់ប្រជាពលរដ្ឋ តាមរយៈការត្រួតពិនិត្យជាក់ស្តែងនៅតាមទីតាំងប្រអប់សំបុត្រនីមួយៗ។

កំពត៖ អាជ្ញាធរស្រុកំពង់ត្រាច បានបញ្ជាក់ថានៅទូទាំងស្រុកកំពុងត្រាចមានផ្លូវក្នុងភូមិចំនួន ៣៩០ខ្សែ ប្រវែង ៦៦០២៦៣ម៉ែត្រ ក្នុងនោះមានផ្លូវបេតុង៣៣ខ្សែ ប្រវែង២៧៥៤០ម៉ែត្រ ហើយដោយអនុវត្តតាមការណែនាំរបស់ឯកឧត្តមបណ្ឌិតអភិបាលខេត្ត គ្រប់ឃុំលែងសាងសង់ផ្លូវក្រាលក្រួសក្រហមទៀតហើយ គឺនឹងខិតខំលើកកម្ពស់គុណភាពផ្លូវលំក្រាលក្រួស ឲ្យទៅជាផ្លូវបេតុងអាមេទាំងអស់នៅទូទាំងស្រុក។

កំពត៖ អាជ្ញាធរស្រុកកំពង់ត្រាចបានបញ្ជាក់ថា ទេសចរណ៍ជាវិស័យលេចធ្លោមួយរបស់ស្រុកកំពង់ត្រាច។ បច្ចុប្បន្នស្រុកមានតំបន់រមណីយដ្ឋានទាក់ទាញចំនួន៦កន្លែង ដែលបានដើរតួយ៉ាងសំខាន់ ក្នុងលើកកម្ពស់ជីវភាពរស់នៅរបស់ប្រជាពលរដ្ឋក្នុងមូលដ្ឋាន និងសេដ្ឋកិច្ចសង្គម។ រមណីយដ្ឋានទាំង៦មាន៖រមណីយដ្ឋានធម្មជាតិភ្នំកំពង់ត្រាច រមណីយដ្ឋានភ្នំទឹកធំ តំបន់ការពារទេសភាពបឹងអន្លង់ព្រីង តំបន់ទេសចរណ៍ភ្នំដំរី តំបន់ឆ្នេរសមុទ្រ និងសហគមន៍ម្រេចកំពត។

កំពត៖ ថ្នាក់ដឹកនាំក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានជំរុញឱ្យគ្រប់ភាគីពាក់ព័ន្ធរួមគ្នាពង្រីកប្រព័ន្ធផ្គត់ផ្គង់ទឹកស្អាត និងលើកកម្ពស់គុណភាពសេវា ដើម្បីឱ្យប្រជាពលរដ្ឋទទួលបានទឹកស្អាតប្រកបដោយ គុណភាព សុវត្ថិភាព និរន្តរភាព និងតម្លៃសមរម្យ ស្របតាមគោលដៅអភិវឌ្ឍន៍ប្រកបដោយចីរភាពកម្ពុជា ឆ្នាំ២០៣០។

កំពត៖ មន្ត្រីជំនាញបានបញ្ជាក់ថា ដើម្បីឆ្លើយតបសេចក្ដីត្រូវការចាំបាច់របស់ប្រជាពលរដ្ឋ ជាពិសេសអ្នកមានបញ្ហាសុខភាពធ្ងន់ធ្ងរ អាចមកទទួលសេវាព្យាបាលបាននៅជិតផ្ទះ កាត់បន្ថយការចំណាយ និងហានីភ័យ មន្ទីរពេទ្យបង្អែកស្រុកកំពង់ត្រាចបាន និងកំពុងខិតខំពង្រឹងការផ្ដល់សេវាសំខាន់ៗចំនួន២បន្ថែម គឺសេវាសង្គ្រោះបន្ទាន់ និងសេវាវះកាត់ ឲ្យកាន់តែល្អប្រសើរជាងមុន ។