គ្រួសារងាយរងគ្រោះបំផុត ចំនួន៥គ្រួសារ មកពីភូមិចំនួនពីរ ក្នុងឃុំហប់ ទទួលបានអំណោយមនុស្សធម៌ ពីអនុសាខាកាកបាទក្រហមកម្ពុជាស្រុកគាស់ក្រឡ
បាត់ដំបង: អនុវត្តន៍តាមអនុសាសន៍ របស់ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង រសៀលថ្ងៃព្រហស្បតិ៍ ទី២៧ ខែសីហា ឆ្នាំ២០២៦ ក្រុមការងារអនុសាខាកាកបាទក្រហមកម្ពុជា ស្រុកគាស់ក្រឡ ដឹកនាំដោយលោក ញឹក សារ៉ែន អភិបាលស្រុកគាស់ក្រឡ និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុក និងសហការី បាននាំយកគ្រឿងឧបភោគបរិភាគ ចុះសួរសុខទុក្ខគ្រួសារក្រីក្រ មានជីវភាពខ្វះខាត ចាស់ជរា ជនមានពិការភាព គ្រួសារទីទ័លក្រ ចំនួន ៥គ្រួសារ មកពីភូមិចំនួនពីរ ក្នុងឃុំហប់ ស្រុកគាស់ក្រឡ ខេត្តបាត់ដំបង។
