ឯកសារវិនិច្ឆ័យដីធ្លីចំនួន ៥ ៤០៨ក្បាលដី ស្ថិតក្នុងភូមិត្មាតពង ភូមិតានី ភូមិរុន ភូមិជ័យ និងភូមិថ្នល់ សង្កាត់រុនតាឯក ក្រុងរុនតាឯកតេជោសែន ខេត្តសៀមរាប ត្រូវបានមន្ទីររៀបចំដែនដីខេត្តបិទផ្សាយជាសាធារណៈ ដើម្បីឱ្យបងប្អូនប្រជាពលរដ្ឋចូលរួមពិនិត្យ ផ្ទៀងផ្ទាត់ ឬស្នើសុំកែតម្រូវ ជំទាស់តវ៉ា ករណីមានកំហុសឆ្គង មុនពេលឈានដល់ការចេញបណ្ណកម្មសិទ្ធិ ដែលការបិទផ្សាយមានរយៈពេល១៥ថ្ងៃ ចាប់ពីថ្ងៃទី២៤ ខែសីហា ដល់ថ្ងៃទី៧ ខែកញ្ញា ឆ្នាំ២០២៦ នៅបរិវេណវត្តជ័យគិរីមុន្នីរង្សី (ហៅវត្តរុន)។

នៅថ្ងៃទី២៤ ខែសីហា ឆ្នាំ២០២៦ លោក ង៉ូវ សេងកាក់ អភិបាលរងខេត្តសៀមរាប បានដឹកនាំកិច្ចប្រជុំពិភាក្សាស្ដីពីលទ្ធផលបឋម នៃរបាយការណ៍វាយតម្លៃហេតុប៉ះពាល់បរិស្ថានពេញលេញ សម្រាប់គម្រោងអភិវឌ្ឍន៍គម្រោងទេសចរណ៍ផ្សាភ្ជាប់នឹងផ្ទះធម្មជាតិផ្ទះលំហែ (Tree house) ដោយមានការចូលរួមពីតំណាងក្រុមហ៊ុន ទ្រីហ្វ៊ូល ខេមបូឌា (Tryfull / Trueful Cambodia) និងអ្នកពាក់ព័ន្ធជាច្រើនរូប។

នៅថ្ងៃទី២៣ ខែសីហា ឆ្នាំ២០២៦ ព្រះគ្រូចៅអធិការវត្តឈូកត្រសាលរស្មីមានជ័យ និងព្រះគ្រូចៅអធិការវត្តព្រះបាទបួនឋាន ក្នុងស្រុកសូទ្រនិគម ខេត្តសៀមរាប នាំបានយកទឹកសុទ្ធ គ្រឿងឧបភោគបរិភោគ និងថវិកាមួយចំនួន ទៅប្រគល់ជូនដល់បងប្អូនកងទ័ពដែលកំពុងឈរជើងការពារនៅតាមខ្សែបន្ទាត់ព្រំដែន ក្នុងភូមិសាស្ត្រខេត្តបន្ទាយមានជ័យ។

នៅរសៀលថ្ងៃទី២៣ ខែសីហា ឆ្នាំ២០២៦ លោកជំទាវ ទុយ ជិ ប្រាក់សោភ័ណ អនុប្រធានគណៈកម្មាធិការសាខា និងជាអនុប្រធានក្រុមការងារឥស្សរជនឆ្នើមថ្នាក់ជាតិ សាខាកាកបាទក្រហមកម្ពុជា ខេត្តសៀមរាប បានដឹកនាំប្រតិភូអញ្ជើញសួរសុខទុក្ខ និងនាំយកអំណោយមនុស្សធម៌ជូនដល់ស្រ្តីជាមាតាទារក និងកុមារ ចំនួន៥៥នាក់ ដែលមានជីវភាពខ្វះខាត ប្រឈមនឹងភាពងាយរងគ្រោះ នៅក្នុងស្រុកអង្គរជុំ។

ដើម្បីរួមចំណែកក្នុងការលើកកម្ពស់សោភ័ណភាពក្រុង ប្រកបដោយភាពស្អាត និងបៃតង ទៅនៅថ្ងៃទី២៣ ខែសីហា ឆ្នាំ២០២៦នេះ សមាគមផ្សព្វផ្សាយពិភពលោកពួកជំនុំនៃព្រះ និងអង្គការមូលនិធិ វីឡាវយូរអន្ដរជាតិ បានសហការគ្នា ដឹកនាំយុវជនចូលរួមសម្អាតបរិស្ថាន នៅតាមបណ្ដាមាត់ស្ទឹងសៀមរាប ជួយឱ្យសុខភាពរបស់យើងល្អ ធ្វើឱ្យបងប្អូនដែលអង្គុយលេងនៅតាមបណ្ដោយមាត់ស្ទឹងមានភាពស្រស់ស្រាយ ក្នុងការស្រូបយកខ្យល់អាកាសបរិសុទ្ធ និងទាក់ទាញភ្ញៀវទេសចរនៅពេលដែលបរិស្ថានកាន់តែស្អាត។

សិក្ខាកាមជាគ្រួសារវីរកងទ័ពមកពីខេត្តសៀមរាប ឧត្តរមានជ័យ និងព្រះវិហារ ដែលបានបញ្ចប់ការបណ្តុះបណ្តាលជំនាញ បច្ចេកទេស និងវិជ្ជាជីវៈកម្រិត១ (C1) នៅវិទ្យាស្ថានជាតិពហុបច្ចេកទេសអង្គរ ខេត្តសៀមរាប បានទទួលម៉ាស៊ីនឆុងកាហ្វេ ១ឈុត ព្រមទាំងថវិកា ៦លានរៀលក្នុងម្នាក់ៗ ពីសម្តេចធិបតី ហ៊ុន ម៉ាណែត និងលោកជំទាវបណ្ឌិត ផ្ដល់នេះតាមរយៈ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នាថ្ងៃទី២២ ខែសីហា ឆ្នាំ២០២៦នេះ។