មន្ទីររៀបចំដែនដីខេត្តសៀមរាប បិទផ្សាយជាសាធារណៈនូវឯកសារវិនិច្ឆ័យដីធ្លី នៃភូមិទាំង៥ ក្នុងសង្កាត់រុនតាឯក ដើម្បីឱ្យប្រជាពលរដ្ឋពិនិត្យផ្ទៀងផ្ទាត់ ឬស្នើសុំកែតម្រូវ

ឯកសារវិនិច្ឆ័យដីធ្លីចំនួន ៥ ៤០៨ក្បាលដី ស្ថិតក្នុងភូមិត្មាតពង ភូមិតានី ភូមិរុន ភូមិជ័យ និងភូមិថ្នល់ សង្កាត់រុនតាឯក ក្រុងរុនតាឯកតេជោសែន ខេត្តសៀមរាប ត្រូវបានមន្ទីររៀបចំដែនដីខេត្តបិទផ្សាយជាសាធារណៈ ដើម្បីឱ្យបងប្អូនប្រជាពលរដ្ឋចូលរួមពិនិត្យ ផ្ទៀងផ្ទាត់ ឬស្នើសុំកែតម្រូវ ជំទាស់តវ៉ា ករណីមានកំហុសឆ្គង មុនពេលឈានដល់ការចេញបណ្ណកម្មសិទ្ធិ ដែលការបិទផ្សាយមានរយៈពេល១៥ថ្ងៃ ចាប់ពីថ្ងៃទី២៤ ខែសីហា ដល់ថ្ងៃទី៧ ខែកញ្ញា ឆ្នាំ២០២៦ នៅបរិវេណវត្តជ័យគិរីមុន្នីរង្សី (ហៅវត្តរុន)។