ព័ត៌មានក្នុងខេត្ត

នៅព្រឹកថ្ងៃទី១៧ ខែសីហា ឆ្នា២០២៦នេះ ឯកឧត្តម ប៉េង ពោធិ៍សា អភិបាលនៃគណៈអភិបាលខេត្តស្វាយរៀងបានអញ្ជើញចូលរួមពិធីប្រកាសចូលកាន់មុខតំណែង ប្រធានមន្ទីរពាណិជ្ជកម្មខេត្តស្វាយរៀងក្រោអធិបតីភាពឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម តំណាងលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម។

(ខេត្តស្វាយរៀង)៖ នាព្រឹកថ្ងៃទី១៧ ខែសីហា ឆ្នាំ២០២៦ ឯកឧត្តម ម៉ម វណ្ណៈ រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជួបសំណេះសំណាលជាមួយសិស្សកម្មវិធីបណ្តុះបណ្តាលវិជ្ជាជីវៈ និងបច្ចេកទេស C1-TVET1.5M ស្ថិតនៅភូមិរបោះព្រីង ឃុំស្វាយយា ស្រុកស្វាយជ្រំ ខេត្តស្វាយរៀង ។

(ខេត្តស្វាយរៀង)៖ នៅថ្ងៃទី១៥ ខែសីហា ឆ្នាំ២០២៦ លោកជំទាវបណ្ឌិត ពេជ្រ ចន្ទមុន្នី ហ៊ុន ម៉ាណែត បានអញ្ជើញជួបសំណេះសំណាល និងប្រគល់ផ្ទះថ្មីចំនួន ២ខ្នង ជូនដល់ក្រុមគ្រួសារវីរកងទ័ព ដែលជាអំណោយដ៏ថ្លៃថ្លារបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ពិធីនេះមានការអញ្ជើញចូលរួមអមដំណើរពីសំណាក់ ឯកឧត្តម ប៉េង ពោធិ៍សា អភិបាលនៃគណៈអភិបាលខេត្តស្វាយរៀង ព្រមទាំងអាជ្ញាធរដែនដីពាក់ព័ន្ធជាច្រើនរូប។

(ខេត្តស្វាយរៀង)៖ ម្ចាស់សហគ្រាស ក្រុមហ៊ុន រោងចក្រ និងអ្នកតំណាងប្រមាណជាង ១៥០នាក់ បានចូលរួមសិក្ខាសាលាផ្សព្វផ្សាយស្តីពី "គោលការណ៍ បទប្បញ្ញត្តិច្បាប់ និងអត្ថប្រយោជន៍របបសន្តិសុខសង្គម និងប្រព័ន្ធចុះបញ្ជី LACMS"។

ខេត្តស្វាយរៀង៖ នាព្រឹកថ្ងៃសុក្រ ទី១៤ ខែសីហា ឆ្នាំ២០២៦ បានរៀបចំវគ្គបណ្ដុះបណ្ដាល ស្ដីពី «ការអនុវត្តបទប្បញ្ញត្តិច្បាប់ ស្ដីពីការងារ សម្រាប់រដ្ឋបាលរោងចក្រ សហជីព និងប្រតិភូបុគ្គលិក នៃសហគ្រាស ក្រុមហ៊ុន រោងចក្រ ក្នុងខេត្តស្វាយរៀង»នៅសាលប្រជុំតាក្របី នៃវិទ្យាស្ថានពហុបច្ចេកទេសភូមិភាគតេជោសែនស្វាយរៀង ។

(ខេត្តស្វាយរៀង)៖ នាព្រឹកថ្ងៃទី១៤ ខែសីហា​ ឆ្នាំ២០២៦នេះ​ លោក​ស្រី​ យក់​ ស៉ីណាត​ អភិបាលរងខេត្តស្វាយរៀង​ តំណាងឯកឧត្តម​ ប៉េង​ ពោធិ៍សា​ អភិបាលខេត្ត​ បានអញ្ជេីញចូលរួមក្នុងសិក្ខាសាលាផ្សព្វផ្សាយស្ដីពី "សមិទ្ធផលធម្មនុញ្ញសម្រេចបានក្នុងរយៈពេល ៣០ឆ្នាំ" ដែលរៀបចំធ្វើឡើងនៅសាលាខេត្តស្វាយរៀង​ក្រោមអធិបតីភាពឯកឧត្តម កែវ ពុទ្ធរស្មី សមាជិកក្រុមប្រឹក្សាធម្មនុញ្ញ និងជាប្រធានគណៈប្រតិភូ តំណាង ឯកឧត្តម ហុី សោភា ប្រធានក្រុមប្រឹក្សាធម្មនុញ្ញ នៃព្រះរាជាណាចក្រកម្ពុជា។

នៅព្រឹកថ្ងៃពុធ ទី១២ ខែសីហា ឆ្នាំ២០២៦ មន្ត្រីរាជការសាលាដំបូង និងអយ្យការអមសាលាដំបូងខេត្ត ស្វាយរៀង បានទៅប្រគេនទៀនព្រះវស្សានៅវត្តសេរីសោភា ស្ថិតនៅភូមិបាសាក់ ឃុំបាសាក់ ស្រុកស្វាយជ្រំ ខេត្តស្វាយរៀង កម្មវិធីនេះប្រព្រឹត្តទៅក្រោមអធិបតីភាព ឯកឧត្តម អ៊ាក ផល្លា ប្រធានសាលាដំបូងខេត្តស្វាយរៀង និងឯកឧត្តម ខាំ សុផារី ព្រះរាជអាជ្ញានៃអយ្យការអមសាលាដំបូងខេត្តស្វាយរៀង និងសហការីដែលជាអនុប្រធានសាលាដំបូង ចៅក្រម ព្រះរាជអាជ្ញារង ប្រធាន-អនុប្រធានលេខាធិការដ្ឋាន ក្រឡាបញ្ជី មន្ត្រីរដ្ឋបាល និងមន្ត្រីជាប់កិច្ចសន្យា។

(ខេត្តស្វាយរៀង)៖ សម្តេចកិត្តិសង្គហបណ្ឌិត ម៉ែន សំអន អនុប្រធានសមាគមអតីតយុទ្ធជន និងនិវត្តន៍ជនកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីជួបសំណេះសំណាល សួរសុខទុក្ខបងប្អូន ជាមួយសមាជិក សមាជិកា សមាគមអតីតយុទ្ធជននិងនិវត្តន៍ជនកម្ពុជា និងអតីតយុទ្ធមិត្តចំនួន ៤៩១គ្រួសារ ដែលបានរៀបចំឡើងនៅទីតាំងដីសម្បទានសង្គមកិច្ច ភូមិជីកដី ឃុំអណ្តូងពោធិ៍ ស្រុករមាសហែក ខេត្តស្វាយរៀង នាព្រឹកថ្ងៃចន្ទ ១២រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែសីហា ឆ្នាំ២០២៦។

ក្រោមការយកចិត្តទុកដាក់ខ្ពស់ និងជាកិច្ចការមនុស្សធម៌ដែលតែងតែប្រារព្ធធ្វើឡើងជាប្រចាំក្នុងខេត្តស្វាយរៀង នាពេលមានដំណើរការប្រឡងសញ្ញាបត្រមធ្យមសិក្សាទុតិយភូមិ ឯកឧត្តម ប៉េង ពោធិ៍សា អភិបាលខេត្តស្វាយរៀង នៅថ្ងៃទី៧ ខែសីហា ឆ្នាំ២០២៦ បាននាំយកថវិកា និងសម្ភារៈទៅប្រគេនដល់ព្រះគ្រូចៅអធិការវត្តចំនួន ៤ ដែលបានរៀបចំទីតាំងសម្រាប់ផ្តល់អាហារ និងទីកន្លែងស្នាក់នៅដោយឥតគិតថ្លៃ ជូនដល់ប្អូនៗជាបេក្ខជនប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៦ និងអាណាព្យាបាល ដែលមកពីស្រុកឆ្ងាយៗ និងខ្វះខាតទីកន្លែងស្នាក់អាស្រ័យ។

(ខេត្តស្វាយរៀង)៖ នៅថ្ងៃទី៧ ខែសីហា ឆ្នាំ២០២៦ លោកស្រី យក់ ស៊ីណាត អភិបាលរង តំណាងឯកឧត្ដម ប៉េង ពោធិ៍សា អភិបាលខេត្តស្វាយរៀង បានដឹកនាំ ថ្នាក់ដឹកនាំ មន្ទីរ-អង្គភាពនានាជុំវិញខេត្ត ព្រមទាំងមន្ត្រីរាជការ ចូលរួមក្នុងពិធីគោរពវិញ្ញាណក្ខន្ធ និងសម្តែងនូវមរណទុក្ខយ៉ាងក្រៀមក្រំចំពោះមរណភាពរបស់ លោកវរសេនីយ៍ទោ អ៊ុ សារិន នាយទាហាននៃវរកងទ័ពជួរមុខ ដែលបានទទួលមរណភាពដោយរោគាពាធ ដែលពិធីបុណ្យសព នេះ ត្រូវបានរៀបចំឡើងនៅគេហដ្ឋាននៃសព ស្ថិតនៅភូមិត្រដែត ឃុំព្រះពន្លា ស្រុកកំពង់រោទិ៍ ខេត្តស្វាយរៀង។

(ខេត្តស្វាយរៀង)៖ ថ្ងៃអង្គារ ៦រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែសីហា ឆ្នាំ២០២៦នេះ​ ឯកឧត្តម​ ប៉េង​ ពោធិ៍សា​ អភិបាល​ នៃគណៈអភិបាលខេត្តស្វាយរៀង​ បានញ្ជេីញជួបប្រជុំពិនិត្យនិងវាយតម្លៃការផ្ដល់សេវារដ្ឋបាលរបស់អង្គភាពច្រកចេញចូលតែមួយរបស់រដ្ឋបាលខេត្តស្វាយរៀង​ ដឹកនាំដោយឯកឧត្តម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាល ក្រសួងមហាផ្ទៃ។

(ខេត្តស្វាយរៀង)៖ នៅព្រឹកថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦នេះ​ ឯកឧត្ត​ ប៉េង​ ពោធិ៍សា​ អភិបាលខេត្ត​ស្វាយរៀង​ និងឯកឧត្តម​ ប៊ុន​ សាវ៉ាន់​ សមាជិកក្រុមប្រឹក្សាខេត្ត​ តំណាងឯកឧត្តម​ ម៉ែន​ វិបុល​ ប្រធានក្រុមប្រឹក្សាខេត្ត​បានអញ្ជេីញជាអធិបតីក្នុងពិធីរុក្ខទិវា​៩កក្កដា​ ឆ្នាំ២០២៦ដែលបានប្រារព្ធធ្វេីនៅបរិវេណវត្តក្តីកណ្តាល​ ស្ថិតក្នុងភូមិកណ្តាល​ ឃុំស្វាយចេក​ ស្រុករំដួល​។