ព័ត៌មានក្នុងខេត្ត

(ខេត្តស្វាយរៀង)៖ នៅថ្ងៃទី៩ ឆ្នាំ២០២៦ នេះ មានការរៀបចំកិច្ចប្រជុំពិភាក្សាយ៉ាងសំខាន់មួយ រវាងក្រុមការងារសហព័ន្ធកីឡាទូកកានូ និងរ៉ូអុីងកម្ពុជា ជាមួយរដ្ឋបាលខេត្តស្វាយរៀង ស្តីពីការត្រៀមរៀបចំការប្រកួតកីឡាទូកង ទូកនាគ ទូកកានូ-កាយ៉ាក់ និងទូករ៉ូអុីង ជ្រើសរើសជើងឯកថ្នាក់ជាតិ «ពានរង្វាន់ឯកឧត្តមអភិសន្តិបណ្ឌិត ស សុខា» លើកទី៣ ឆ្នាំ២០២៦។

(ខេត្តស្វាយរៀង)៖ អនុវត្តតាមការណែនាំដ៏ខ្ពង់ខ្ពស់របស់ ឯកឧត្តម ប៉េង ពោធិ៍សា អភិបាលនៃគណៈអភិបាលខេត្តស្វាយរៀង លោក ម៉ែន អេង អភិបាលរងខេត្ត បានដឹកនាំក្រុមការងារចម្រុះខេត្ត និងរដ្ឋបាលក្រុងបាវិត ចុះត្រួតពិនិត្យផ្ទាល់លើការដាក់ស្លាកយីហោអាជីវកម្មនានា ដែលមិនត្រឹមត្រូវតាមលក្ខណៈបច្ចេកទេស ច្បាប់អនុញ្ញាត និងការបង្កប់ស្លាកផ្សព្វផ្សាយខុសច្បាប់ នៅក្នុងភូមិសាស្ត្រក្រុងបាវិត កាលពីថ្ងៃទី០៦ ខែកក្កដា ឆ្នាំ២០២៦។ ក្នុងដំណើរការចុះត្រួតពិនិត្យលើស្លាកយីហោនេះ ក៏មានការចូលរួមពីលោកប្រធានមន្ទីរព័ត៌មានខេត្ត លោកអភិបាលរងក្រុងបាវិត មន្ត្រីសាលាក្រុងបាវិត និងអាជ្ញាធរពាក់ព័ន្ធផងដែរ។

(ខេត្តស្វាយរៀង)៖ ក្រោមការចង្អុលបង្ហាញពីឯកឧត្ដម ប៉េង ពោធិ៍សា អភិបាលខេត្ត នាថ្ងៃទី៧ ខែកក្កដា ឆ្នាំ២០២៦ លោក ម៉ែន អេង អភិបាលរងខេត្តស្វាយរៀង បានដឹកនាំកម្លាំងគណៈបញ្ជាការឯកភាពក្រុងបាវិត ចុះត្រួតពិនិត្យរដ្ឋបាលចំហរ និងបង្ក្រាបទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams) ក្នុងបុរី CK ស្ថិតនៅភូមិតាពៅ សង្កាត់បាវិត ក្រុងបាវិត។

ខេត្តស្វាយរៀង៖ ថ្ងៃទី៨ ខែកក្កដា ឆ្នាំ២០២៦ ឯកឧត្តមបណ្ឌិត លី ធុជ ទេសរដ្ឋមន្ត្រី និងជាអនុប្រធានទី១ អាជ្ញាធរមីន រួមជាមួយ ឯកឧត្តម Wang Wenbin ឯកអគ្គរដ្ឋទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា បានអញ្ជើញជាអធិបតីក្នុងពិធីបិទបញ្ចប់គម្រោង «កិច្ចសហប្រតិបត្តិការមេគង្គ-ឡានឆាងសម្រាប់សកម្មភាពមីន» នៅស្រុករមាសហែក ខេត្តស្វាយរៀង។

(ខេត្តស្វាយរៀង): នៅព្រឹកថ្ងៃទី០៧ ខែកក្កដា ឆ្នាំ២០២៦ លោក លឹម សៀងហេង អភិបាលរងខេត្ត តំណាងឯកឧត្តម ប៉េង ពោធិ៍សា អភិបាលខេត្ត បានអញ្ជើញជាអធិបតីក្នុងកិច្ចប្រជុំស្តីពី "ការជំរុញ និងលើកកម្ពស់គុណភាពការងារអនុវត្តគម្រោងមូលនិធិឃុំសង្កាត់ សម្រាប់អ្នកទទួលការដែលមានឈ្មោះក្នុងបញ្ជីរបស់ខេត្តឆ្នាំ២០២៦" ក្នុងកិច្ចប្រជុំនេះក៏មានការអញ្ជើញចូលរួមពីលោកនាយករងរដ្ឋបាលសាលាខេត្ត លោកប្រធានរតនាគារខេត្ត លោក លោកស្រី នាយក នាយករងទីចាត់ការផែនការវិនិយោគទាំង៨ក្រុងស្រុក ព្រមទាំងប្រធាននិងតំណាងក្រុមហ៊ុននានាដែលបានចុះបញ្ចីជាច្រើននាក់។

(ខេត្តស្វាយរៀង)៖ ឯកឧត្តម អ៊ុ សុខ អគ្គលេខាធិការរងសមាគមអតីតយុទ្ធជន និងនិវត្តជនកម្ពុជា តំណាង ឯកឧត្តម នាយឧត្តមសេនីយ៍ គន់ គីម ទេសរដ្ឋមន្ត្រី អនុប្រធាន និងជា អគ្គលេខាធិការសមាគមអតីតយុទ្ធជន និងនិវត្តជនកម្ពុជា នាព្រឹកថ្ងៃទី៦ ខែកក្កដាឆ្នាំ២០២៦នេះបាន អញ្ជើញ ជាអធិបតី ក្នុង បើកវគ្គបណ្តុះបណ្តាលស្តីពីការងាររដ្ឋបាល និងការងារ បេឡាមរណសង្គ្រោះសមាគមអតីតយុទ្ធជន និងនិវត្តជនកម្ពុជា នៅខេត្តស្វាយរៀង នាសាលប្រជុំសាលាខេត្តស្វាយរៀង។

(ខេត្តស្វាយរៀង)៖ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល បានអញ្ជើញចុះពិនិត្យសកម្មភាពការងារ សកម្មភាពបម្រើសេវា និងសួរសុខទុក្ខប្រជាពលរដ្ឋដែលមកទទួលសេវាសុខាភិបាល នៅមណ្ឌលសុខភាពឃុំដូង ស្រុករមាសហែក ខេត្តស្វាយរៀង នៅព្រឹកថ្ងៃព្រហស្បតិ៍ ទី២ ខែកក្កដា ឆ្នាំ២០២៦ ។

(ខេត្តស្វាយរៀង): សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និងជាអ្នកតំណាងរាស្ត្រមណ្ឌលស្វាយរៀង បានអញ្ជើញជាអធិបតីក្នុងពិធី ប្រគេន ទៀនព្រះវស្សា ព្រះសង្ឃគង់ចាំព្រះវស្សាអស់ត្រីមាស នៅចំនួន១៩វត្ត នៅខេត្តស្វាយរៀង ដែលបានរៀបចំឡើងនៅវត្តព្រៃឆ្លាក់ ស្ថិតក្នុងក្រុងស្វាយរៀង ខេត្តស្វាយរៀង នាព្រឹកថ្ងៃសៅរ៍ ៥រោច ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី៤ ខែកក្កដា ឆ្នាំ២០២៦។

(ខេត្តស្វាយរៀង)៖ នាព្រឹកថ្ងៃសុក្រ ៤រោច ខែបឋមាសាឍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី ៣ ខែកក្កដា ឆ្នាំ២០២៦ លោកវេជ្ជ. ទែន សាបុណ្យ អនុប្រធានមន្ទីរសុខាភិបាល តំណាងលោកវេជ្ជបណ្ឌិត​ គុជ​ សុីថា​ ប្រធានមន្ទីរសុខាភិបាល​ នៃរដ្ឋបាលខេត្តស្វាយរៀង អញ្ជើញដឹកនាំថ្នាក់ដឹកនាំមន្ទីរសុខាភិបាល ចូលរួម កិច្ចប្រជុំស្ដីពី វឌ្ឍនភាពនៃការអនុវត្តក្របខ័ណ្ឌថែទាំសុខភាពបឋមប្រចាំឆមាសទី១ ឆ្នាំ២០២៦ និងពង្រឹងគុណភាពសេវាសុខាភិបាលមូលដ្ឋាននៅស្រុកចន្ទ្រា ខេត្តស្វាយរៀង ក្រោមអធិបតីភាពលោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានក្រុមការងារអភិវឌ្ឍ និងគ្រប់គ្រងការអនុវត្តក្របខ័ណ្ឌជំរុញបង្កើនការថែទាំសុខភាពបឋមនៅកម្ពុជា (ក.ជ.ថ.ស.ប)(PHC-BIF)។

(ខេត្តស្វាយរៀង)៖ នៅរសៀលថ្ងៃទី០៣​ ខែកក្កដា​ ឆ្នាំ២០២៦នេះ​ ឯកឧត្តម ឧត្តមសេនីយ៍ទោ កែវ សុវណ្ណ អគ្គនាយករង នៃអគ្គនាយកដ្ឋានសវនកម្មផ្ទៃក្នុង ជាប្រធានគណៈប្រតិភូ​ និងលោក​ កង​ វណ្ណរ៉ូ​ អភិបាលរងខេត្តស្វាយរៀង​ តំណាងឯកឧត្តម​ ប៉េង​ ពោធិ៍សា​ អភិបាលខេត្តបាន​អញ្ជេីញចូលរួមជាអធិបតីក្នុងកិច្ចប្រជុំបិទសវនកម្មផ្ទៃក្នុង សម្រាប់ការិយបរិច្ឆេទ ២០២៥ និង បណ្តាឆ្នាំពាក់ព័ន្ធ ជាមួយក្រុមការងារអគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃ។

ដោយបានការអនុញ្ញាតពីឯកឧត្តម​ ប៉េង​ ពោធិ៍សា​ អភិបាលខេត្តស្វាយរៀង​ នៅព្រឹកថ្ងៃទី២​ ខែកក្កដា​ឆ្នាំ២០២៦នេះ​ លោកបណ្ឌិត​ ចិន​ សាធាន​ នាយករដ្ឋបាលសាលាខេត្ត​ បានដឹកនាំប្រតិភូទៅចូលរួមកិច្ចប្រជុំពិភាក្សាការងារមួយចំនួនទាក់ទងការតម្លើងកម្រិតច្រកទ្វារតំបន់ព្រំដែន ការពិនិត្យបើកច្រកទ្វារ បន្ថែមដើម្បីសម្រួលនៅលើការដឹកជញ្ជូនកសិផលស្រូវ ពីខេត្តស្វាយរៀង ទៅខេត្តតៃនិញ។

(ខេត្តស្វាយរៀង)៖ នារសៀលថ្ងៃទី២ ខែកក្កដា ឆ្នាំ២០២៦នេះ លោក ម៉ែន កល្យាណ អភិបាលរងខេត្តស្វាយរៀងតំណាងឯកឧត្តម ប៉េង ពោធិ៍សា អភិបាលខេត្តបានអញ្ចើញជាអធិបតីដឺកនាំកិច្ចប្រជុំពិនិត្យ និងវាយតម្លៃកម្រិតកែប្រែរបស់ទណ្ឌិតដែលត្រូវបានដាក់ស្នើសុំ បន្ធូរបន្ថយទោស និងលើកលែងទោស។