ព័ត៌មានក្នុងខេត្ត

‎​(ខេត្តស្វាយរៀង)៖ នាថ្ងៃទី១៤ ខែសីហា ឆ្នាំ២០២៦ នេះ សិក្ខាសាលាស្តីពី «ការពង្រឹងគុណភាព និងសង្គតិភាពទិន្នន័យទេសចរណ៍» ត្រូវបានរៀបចំឡើងយ៉ាងអធិកអធម ក្រោមអធិបតីភាពដ៏ខ្ពង់ខ្ពស់របស់ ឯកឧត្ដម នាង ម៉ៅ រដ្ឋលេខាធិការក្រសួងទេសចរណ៍ តំណាងដ៏ខ្ពង់ខ្ពស់ ឯកឧត្ដម ហួត ហាក់ រដ្ឋមន្ត្រីក្រសួងទេសចរណ៍។ ‎​កម្មវិធីនេះក៏មានការអញ្ជើញចូលរួមពី លោក សេង សិលា អភិបាលរងនៃគណៈអភិបាលខេត្តស្វាយរៀង តំណាង ឯកឧត្ដម ប៉េង ពោធិ៍សា អភិបាលនៃគណៈអភិបាលខេត្តស្វាយរៀង ព្រមទាំងលោក-លោកស្រី ជាអភិបាលរងរាជធានី-ខេត្តចំនួន ៥ រួមមាន រាជធានីភ្នំពេញ ខេត្តព្រៃវែង កំពង់ស្ពឺ ព្រះសីហនុ និងខេត្តស្វាយរៀង។

មន្ទីរពេទ្យខេត្តស្វាយរៀង មានកិត្តិយសសូមជម្រាបជូនដំណឹងដល់ បង ប្អូនសាធារណជនទាំងអស់ ឲ្យបានជ្រាបថា៖ មន្ទីរពេទ្យខេត្តស្វាយរៀង បានសហការណ៍ជាមួយ សមាគមក្រុមគ្រូពេទ្យវះកាត់ដើម្បីកម្ពុជា (S.F.C) ដើម្បីចុះពិនិត្យ និងព្យាបាលជំងឺភ្នែក(ភ្នែកឡើងបាយនិងកន្ទុយថ្លែន)ជូនប្រជាពលរដ្ឋ ដោយឥតគិតថ្លៃ ដែលមានរយ:ពេល០៣ថ្ងៃ, ចាប់ពីថ្ងៃទី១៧ ដល់ថ្ងៃទី១៩ ខែសីហា ឆ្នាំ២០២៦ នៅមន្ទីរពេទ្យខេត្តស្វាយរៀង ដែលមានការចូលរួមដោយក្រុមគ្រូពេទ្យស្ម័គ្រចិត្តរបស់សមាគម Loving Blind Association R.O.C មកពី ប្រទេសចិនតៃវ៉ាន់ ។

នៅព្រឹកថ្ងៃពុធ ទី១២ ខែសីហា ឆ្នាំ២០២៦ មន្ត្រីរាជការសាលាដំបូង និងអយ្យការអមសាលាដំបូងខេត្ត ស្វាយរៀង បានទៅប្រគេនទៀនព្រះវស្សានៅវត្តសេរីសោភា ស្ថិតនៅភូមិបាសាក់ ឃុំបាសាក់ ស្រុកស្វាយជ្រំ ខេត្តស្វាយរៀង កម្មវិធីនេះប្រព្រឹត្តទៅក្រោមអធិបតីភាព ឯកឧត្តម អ៊ាក ផល្លា ប្រធានសាលាដំបូងខេត្តស្វាយរៀង និងឯកឧត្តម ខាំ សុផារី ព្រះរាជអាជ្ញានៃអយ្យការអមសាលាដំបូងខេត្តស្វាយរៀង និងសហការីដែលជាអនុប្រធានសាលាដំបូង ចៅក្រម ព្រះរាជអាជ្ញារង ប្រធាន-អនុប្រធានលេខាធិការដ្ឋាន ក្រឡាបញ្ជី មន្ត្រីរដ្ឋបាល និងមន្ត្រីជាប់កិច្ចសន្យា។

(ខេត្តស្វាយរៀង): នៅថ្ងៃទី១១ ខែសីហា ឆ្នាំ២០២៦ គណៈបញ្ជាការឯកភាពខេត្តស្វាយរៀង បានបើកប្រតិបត្តិការចុះធ្វើរដ្ឋបាលចំហក្នុងទ្រង់ទ្រាយធំ ទៅលើទីតាំងសង្ស័យមួយចំនួន ដែលស្ថិតនៅក្នុងភូមិសាស្ត្រក្រុងបាវិត ដើម្បីបង្រ្កាបសកម្មភាពខុសច្បាប់ ពាក់ព័ន្ធនឹងការលួចលាក់ស្នាក់នៅ ធ្វើការងារខុសច្បាប់ និងការឆបោកតាមប្រព័ន្ធបច្ចេកវិទ្យា (Online Scam)។

(ខេត្តស្វាយរៀង)៖ សម្តេចកិត្តិសង្គហបណ្ឌិត ម៉ែន សំអន អនុប្រធានសមាគមអតីតយុទ្ធជន និងនិវត្តន៍ជនកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីជួបសំណេះសំណាល សួរសុខទុក្ខបងប្អូន ជាមួយសមាជិក សមាជិកា សមាគមអតីតយុទ្ធជននិងនិវត្តន៍ជនកម្ពុជា និងអតីតយុទ្ធមិត្តចំនួន ៤៩១គ្រួសារ ដែលបានរៀបចំឡើងនៅទីតាំងដីសម្បទានសង្គមកិច្ច ភូមិជីកដី ឃុំអណ្តូងពោធិ៍ ស្រុករមាសហែក ខេត្តស្វាយរៀង នាព្រឹកថ្ងៃចន្ទ ១២រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែសីហា ឆ្នាំ២០២៦។

(ខេត្តស្វាយរៀង)៖ នៅព្រឹកថ្ងៃបើកវិញ្ញាសាប្រឡងសញ្ញាបត្រមធ្យមសិក្សាទុតិយភូមិសម័យប្រឡងថ្ងៃទី ១០​ ខែសីហាឆ្នាំ ២០២៦ នេះឯកឧត្តម ប៉េង ពោធិ៍សា អភិបាលខេត្តបានធ្វើការលើកទឹកចិត្តដល់បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា ២០២៦ នេះត្រូវខិតខំសរសេរវិញ្ញាសាដោយប្រុងប្រយ័ត្ននិងពិនិត្យមើលឲ្យបានត្រឹមត្រូវច្បាស់លាស់សរសេរឲ្យបានត្រូវច្រើនល្អ ដើម្បីយកលទ្ធផលបានជោគជ័យនិងទទួលបាននិទ្ទេស A ឱ្យបានច្រើននៅពេលប្រកាស់លទ្ធផល។

ក្រោមការយកចិត្តទុកដាក់ខ្ពស់ និងជាកិច្ចការមនុស្សធម៌ដែលតែងតែប្រារព្ធធ្វើឡើងជាប្រចាំក្នុងខេត្តស្វាយរៀង នាពេលមានដំណើរការប្រឡងសញ្ញាបត្រមធ្យមសិក្សាទុតិយភូមិ ឯកឧត្តម ប៉េង ពោធិ៍សា អភិបាលខេត្តស្វាយរៀង នៅថ្ងៃទី៧ ខែសីហា ឆ្នាំ២០២៦ បាននាំយកថវិកា និងសម្ភារៈទៅប្រគេនដល់ព្រះគ្រូចៅអធិការវត្តចំនួន ៤ ដែលបានរៀបចំទីតាំងសម្រាប់ផ្តល់អាហារ និងទីកន្លែងស្នាក់នៅដោយឥតគិតថ្លៃ ជូនដល់ប្អូនៗជាបេក្ខជនប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៦ និងអាណាព្យាបាល ដែលមកពីស្រុកឆ្ងាយៗ និងខ្វះខាតទីកន្លែងស្នាក់អាស្រ័យ។

(ស្វាយរៀង)៖ នៅថ្ងៃសុក្រ ទី០៧ ខែសីហា ឆ្នាំ២០២៦ លោក ម៉ែន អេង អភិបាលរងខេត្ត តំណាងឯកឧត្តម ប៉េង ពោធិ៍សា អភិបាលខេត្ត ដោយមានការសម្របសម្រួលនីតិវិធីពី លោក ចាន់ វណ្ណៈ ព្រះរាជអាជ្ញារង អយ្យការអមសាលាដំបូងខេត្តស្វាយរៀង បានចុះប្រតិបត្តិការធ្វើរដ្ឋបាលចំហលើទីតាំងសង្ស័យមានការលួចលាក់ស្នាក់នៅ ធ្វើការខុសច្បាប់ និងបទល្មើសឆបោកតាមប្រព័ន្ធបច្ចេកវិទ្យា (Online Scam) ចំនួន ៣ទីតាំង ស្ថិតក្នុង ក្រុងបាវិត ខេត្តស្វាយរៀង។

(ខេត្តស្វាយរៀង)៖ នៅរសៀលថ្ងៃទី០៧ ខែសីហា ឆ្នាំ២០២៦នេះ ឯកឧត្តម ប៉េង ពោធិ៍សា អភិបាលនៃគណៈអភិបាលខេត្តស្វាយរៀង និងឯកឧត្តម បួយ ប៊ុនណា អនុរដ្ឋលេខាធិការក្រសួងអប់រំ យុវជន និងកីឡា និងជាប្រធានគណៈមេប្រយោគទូទាំងប្រទេសបានអញ្ជើញដឹកនាំកិច្ចប្រជុំពិភាក្សាការងារសម្រាប់ត្រៀមប្រឡងសញ្ញាបត្រមធ្យមសិក្សាទុតិយភូមិ​ សម័យប្រឡងថ្ងៃទី១០ ខែសីហា ឆ្នាំ ២០២៦ ដែលកិច្ចប្រជុំនេះបានប្រព្រឹត្តទៅនាសាលប្រជុំសាលាខេត្តស្វាយរៀង។

(ខេត្តស្វាយរៀង)៖ នៅថ្ងៃទី៧ ខែសីហា ឆ្នាំ២០២៦ លោកស្រី យក់ ស៊ីណាត អភិបាលរង តំណាងឯកឧត្ដម ប៉េង ពោធិ៍សា អភិបាលខេត្តស្វាយរៀង បានដឹកនាំ ថ្នាក់ដឹកនាំ មន្ទីរ-អង្គភាពនានាជុំវិញខេត្ត ព្រមទាំងមន្ត្រីរាជការ ចូលរួមក្នុងពិធីគោរពវិញ្ញាណក្ខន្ធ និងសម្តែងនូវមរណទុក្ខយ៉ាងក្រៀមក្រំចំពោះមរណភាពរបស់ លោកវរសេនីយ៍ទោ អ៊ុ សារិន នាយទាហាននៃវរកងទ័ពជួរមុខ ដែលបានទទួលមរណភាពដោយរោគាពាធ ដែលពិធីបុណ្យសព នេះ ត្រូវបានរៀបចំឡើងនៅគេហដ្ឋាននៃសព ស្ថិតនៅភូមិត្រដែត ឃុំព្រះពន្លា ស្រុកកំពង់រោទិ៍ ខេត្តស្វាយរៀង។

(ខេត្តស្វាយរៀង)៖ នៅថ្ងៃទី៦ ខែសីហា ឆ្នាំ២០២៦នេះ​ ក្រុមការងារគ្រប់គ្រង និងប្រតិបត្តិទីលានទុកដាក់សំរាមក្រុងបាវិត ដឹកនាំដោយ លោក សេង សីលា អភិបាលរងខេត្ត និងជាប្រធានក្រុមការងារ បានចុះពិនិត្យ និងប្រជុំពង្រឹងយន្តការ និងសមត្ថភាពមន្រ្តីពាក់ព័ន្ធលើការងារគ្រប់គ្រង់ និងប្រតិបត្តិទីលានទុកដាក់សំរាម នៅសង្កាត់ច្រកម្ទេស ក្រុងបាវិត វត្តមានចូលរួមចំនួន១៧ នាក់ ស្រី ០៣នាក់ ។

នៅទីស្តីការក្រសួងរៀបចំដែនដី នគរូបនីយកម្ម និងសំណង់ នារសៀលថ្ងៃពុធទី៥ ខែសីហា ឆ្នាំ២០២៦ ឯកឧត្តម​ ប៉េង​ ពោធិ៍​សា​ អភិបាលនៃគណៈអភិបាលខេត្តស្វាយរៀងបានអញ្ជើញចូលរួមកិច្ចប្រជុំអន្តរក្រសួង ដើម្បីពិនិត្យ និងពិភាក្សាអំពីការពង្រីកកំណាត់ផ្លូវទីរួមស្រុកកំពង់រោទិ៍ ខេត្តស្វាយរៀង ស្ថិតក្រោមអធិបតីភាព ឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងមានការចូលរួមពី ឯកឧត្តម លោកជំទាវ ថ្នាក់ដឹកនាំក្រសួង ក្រសួង-ស្ថាប័នពាក់ព័ន្ធ អភិបាលនៃគណៈអភិបាលខេត្ត និងមន្រ្តីពាក់ព័ន្ធជាច្រើនរូប។